كتب: غادة شعبان -
07:10 م | السبت 02 مايو 2020
أثارت شخصية "ريهام"، التي تجسدها الفنانة أيتن عامر، خلال مسلسل "فرصة تانية"، الذي يشارك في السباق الرمضاني لعام 2020، فضول الكثيرين كونها تتنازل عن كرامتها بسبب حبها لزياد، والذي يقوم بدوره الفنان أحمد مجدي، وبخاصة الإعلامية رضوى الشربيني، التي تنتقد دورها بشدة عبر حساباتها الرسمية على مواقع التواصل الاجتماعي.
ونسبت للفنانتين، تغريدات عبر موقع التدوينات القصيرة "تويتر"، إذ جاءت تغريدة رضوى، "أنا مش فاهمة ليه أيتن عامر في المسلسل مصممة تقلل من كرامة الستات، واحد مش بيحبك ابعدي عنه إنتي كده بتقللي مننا"، وتغريدة أخرى ترد فيها أيتن: "علشان أنا واحدة مش معقدة زيك".
وأكدت "أيتن"، أن هذه التغريدات مفبركة، وأن رضوى صديقتها ولا تتحدثان سويا بهذه الطريقة، كاتبة: "بوست Fake.. رضوى حبيبتي وصاحبتي طبعاً وعمرنا ما نهزر مع بعض بالشكل ده".
وكانت وجهت الإعلامية رضوى الشربيني، رسالة للفنانة أيتن عامر، خلال مقطع فيديو، وقالت في بدايته "إيه يا آيتن يا عامر؟، إيه اللي انتي عاملاه ده، بقالي 5 أيام شايلة وساكتة وبقول بنتنا هتعقل وبنتنا مبتعقلش، الحلقة الأولى خطفتيه من البنت، التانية روحتي اتقدمتيله وقولنا يمكن البنت عندها اعتقاد فظيع بين المساواة بين الرجل والمرأة وراحت اتقدمتله".
وأضافت "الشربيني" في مقطع الفيديو: "الحلقة الثالثة عملتوا فرح وهو سابلك التورتة ومشي، مفيش كرامة؟ ليفل الوحش يا آيتن عامر عدتيه، روحتيله البيت قولت بنتنا عندها صدمة، بحاول أوجدلك أي أسباب، قالك انتي طالق وأنا ندمت إن أنا اتجوزتك، تقومي تردي عليه علشان تثبتلي إن أنا بحبك".
"مكنتوش بتلعبوا دور استيميشن وهو خسرك، ده طلقك يا ماما"، بهذه العبارة واصلت "رضوى" انتقاداتها لآيتن عامر: "إحنا في البرنامج بنقول ده يستاهل قلة على وشه، إيه يا آيتن؟، أنا مش هسكت، وعمالة تنتحري وتعيطي، انتوا بتعملوا إيه في بناتنا يا جماعة".
وأردفت رضوى: "السنة اللي فاتت كنا بنقول لدينا الشربيني، سيبي البنطلون، بنقول لآيتن عامر، هو حولك لبنطلون، مفيش منطق خالص".
رضوى الشربيني توجه رسالة لآيتن عامر: جيبي حقك وحق البنات
ووجهت "الشربيني"، رسالة لـ "عامر"، قالت خلالها: "إنتي معاكي 25 حلقة، يا تخلصي عليه وتجيبيه في شوال، وتجيبي حقك وحق البنات، وبلاش جملة مفيش كرامة في الحب".
يُذكر أن مسلسل "فرصة تانية" بطولة ياسمين صبري وأحمد مجدي ودياب وهبة مجدي وآيتن عامر أحمد الشامي ونهال عنبر ومحمود البزاوي.