بلغت نسبة الأطفال المصابين بكورونا من عمر 9 إلى 15 حوالي 1.2% من إجمالي المصابين بكورونا حول العالم بحسب منظمة الصحة العالمية، ونسبة الأطفال مصابين تحت 9 سنوات نسبتهم 0.9%، ونسبة الوفيات بين 10 إلى 19 سنة حوالي 0.2%، وعرض برنامج "للبنات وبس +15"، عبر موقع "يوتيوب"، بعض النصائح للأطفال خلال مواجهة فيروس كورونا، قدمته مروة طلعت.

وأثبتت واحدة من الدراسات التي أجريت في الصين إن المرض الجديد ليس خطرا على الأاطفال، فقد عانوا أعراض برد طفيفة، ولم يعانوا من أعراض الالتهاب الرئوي مثل المرضى البالغين، وتلك هي النصائح الموجهة للأطفال.

- لازم تكوني متأكدة من صحة المعلومة اللي بتديها لأطفالك.

- طلعي منهم الإجابات والآراء حول كورونا وصححي المعلومة عشان تثبت في دماغهم.

- الكلام الصريح والمباشر مع الأطفال عن كورونا بيقلل من الخوف والهلع من أنهم موجودين في البيت. 

- لازم تعملي نشاطات للاستفادة من الجلوس في البيت.

- يجب ان تكون الأم صريحة بدون تخويف، وتعريف الأطفال بأنه شبه الانفلونزا، وخطر بس في ناس كتير خفت منه والأطفال مش هيصابوا بيه.

- خليكي هادية وانتي بتتكلمي معاهم عشان إحساسك بالتوتر ميتنقلهمش.

- الفهم سيؤدي إلى أن تصرفات الأطفال تنبع منهم، فهو مش هيكون عايز يسلم على حد أو يبوس حد بدل ما يحس أنك بتؤمريه مثلا.

- لما تحسس طفلك أن هو المسيطر على الوضع وهو بياخد قراراته مش هيكون قلقان.

- سبيهم يعملوا سيرش على الإنترنت وندور معاهم على معلومات عن المرض ويستفادوا منه بشكل عملي.

- اعملي مسابقة مين أكثر واحد مش بيلمس وشه وبيغسل إيده مثلا.

- نربط غسيل الإيدين وإجراءات النضافة بأغنية مثلا عشان يحبوها.

- ضرورة التوعية بـ التنمر ومش أي حد بيكح أو بيعطس يبقى كورونا.

- تجنب تماما التجمعات، والسوشيال ميديا لأنها مليانة شائعات مرعبة.

- لازم نعرفهم أن العالم كله معانا، في أزمة المرض، إحنا مش لوحدنا، ونقولهم أن ده مرض عادي وبيخف.

- انتي الأمان بالنسبة ليهم بلاش تفزعيه خالص بخوفك.

- اشرحي أن المرض بيتنقل من شخص لشخص تاني عشان كدة إحنا قاعدين في البيت ومبنقابلش حد.

- وعيهم بكيفية مواجهة ومحاربة كورونا، زي العطس في الكم.

- حببيهم في القاعدة في البيت لأناها ممكن تطول.

- اخيرا لا داعي للهلع ولكن مع الحرص الشديد.