كتب: محمد أسامة رمضان -
07:51 م | الإثنين 29 أبريل 2019
قال الفنان علي الحجار إنه تزوج 5 مرات، آخرها زوجته الحالية والمستمرة معه منذ 16 عاما.
وأضاف الحجار، خلال استضافته ببرنامج "الستات ما يعرفوش يكدبوا" من تقديم الإعلاميات مفيدة شيحة، منى عبدالغني، سهير جودة، على شاشة "cbc": "الرجل ميقدرش يحب أكتر من واحدة، وكتير جدا من الناس متعرفش تفرق بين الرغبة والحب، خصوصا الشباب الصغير اللي بيبقى عايز يمتلك الست وخلاص".
وتابع: "الحب من وجهة نظري إني وحبيبتي نبقى شخص واحد، صحيح كل شخص ليه خصوصيته بس لازم يكون بينا الكيميا اللي تبين إن دا حب".
واستطرد: "لو واحدة ست لمستني غير مراتي بتشوك"، مشيرا إلى أنه غير نادم على إنجابه أولاده من كل زيجاته السابقة.