رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

«إيد واحدة».. تحالف ضرتين للحصول على «نفقة العيال»: «طلقنا واتجوز أخت الأولى»

كتب: دعاء الجندي -

01:08 م | الثلاثاء 12 مارس 2019

جمع بين «ضرتين» وارتبط بشقيقة زوجته الأولى.. حكاية سمير «زوج تحت الطلب»

بزي مدرسي بسيط جلس 3 أطفال يلعبون أمام أمهاتهن في طرقة محكمة الأسرة، بعدما جلسن أمهاتهن يتناقشن مع محاميتهن حول موقفهما القانوني، ورغم ما يبدو من أنه مشهدًا مألوفًا في المحكمة إلا أن قصة السيدتين «إيمان. م» 34 عامًا و«هبة. ع» 28 عامًا، مختلفة، فبين وجع الخيانة بالزواج من أخرى إلى تعب الطلاق الغيابي لصدمة ارتباط «سمير. أ» موظف عام، بشقيقة طليقته الصغرى، التي اشترطت عليه طلاق زوجتيه الأخرتين.

قصة غريبة بدأت بزواج «إيمان» من «سمير» بعدما التقيا صدفة خلال العمل، لتنشأ بينهما علاقة حب أسفرت عن الزواج وإنجاب طفلين أكبرهما 11 عامًا، لتفاجئ بعد فترة بطلاقها غيابيا منذ شهور، تروي الزوجة الثلاثينية: «اتجوزنا صدفة وكنا بنحب بعض وعلاقتنا طبيعية جدا زي أي زوجين.. الطبيعي إنه كان شغله بيخليه يسافر في محافظات مصر كلها بيلف واتعودت دايما إنه يبات برا بالأيام عشان الشغل فمكنتش مخونة ولا تخيلت أبدا إنه ممكن يتجوز عليّ.. لحد من فترة بقيت حساه غريب عني ولاحظت غيابه أسابيع بحجة إنه بيعمل مشروع في بور سعيد وقتها عذرته وسكت لكني اتفاجئت بمحضر جايبلي ورقة طلاق.. اتصدمت لدرجة كنت فاكراها جت غلط.. مفهمتش ازاي كدا».

فترة من الصدمة والمعاناة غير مبررة، انتظرتها الزوجة في محاولة للفهم، تضيف: «مفهمتش هو في ايه ولا تخيلت ولو كان حد حكالي إن ده حقيقي كنت قولتله أنت كذاب وده فيلم.. اللي حصل إن زوجي المحترم طلقني عشان بيحب أختي الصغيرة ولما بدأت أدور وراه اكتشفت إنه متجوز هبة عليّ من 4 سنين ومخلف ابنهم زين»، وفي إشارة إلى السيدة العشرينية الجالسة بجانبها، بابتسامة باهتة تابعت كلامها: «خدعها هي كمان وقالها إنه منفصل عني وسايبني على ذمته عشان الولاد.. وفي الآخر طلقنا إحنا الاتنين واتجوز أختي الصغيرة».

فترة من الصمت يقطعه الطفل الصغير «زين»: «طنط إيمان.. يا طنط محمد أخد زمزميتي»، لترد عليه بعدما رتبت على كتفه: «معلش يا بابا.. أنا هزعقله» بسماحة غريبة أن تعامل بها سيدة ابن "ضرتها"، لتستكمل ده «زوزو الصغنن.. ابن هبة الوحيد طليقة جوزي رقم اتنين»، لتستكمل: «اتعرفت عليه لما طلب سكرتيرة في مكتبه في بورسعيد واشتغلت عنده كام شهر وبعدها اتجوزنا قالي إنه منفصل عن إيمان بس هي على ذمته عشان الأولاد واتجوزنا وعيشت معاه عادي جدا لحد من حوالي سنة ونص بدأت مشاكل وقالي أنا لازم أرجع لمراتي الأولى عشان في مشاكل.. اتفاجئت في الأول لأن حياتنا كانت مستقرة وابني كان لسه صغير قولتله طيب أفضل على ذمتك قالي لأ هطلقك شوية ونتجوز عرفي عشان لازم امتص غضبها وأهديها لأنه كان مفهمني إنها شريكته في المكتب ولها عنده فلوس كتير ومش حيقدر يفض الشراكة دي.. لكن الحقيقة إنه كان كذاب وبيلعب بي وبيها وطلقنا إحنا الاتنين عشان يتجوز أختها الصغيرة.. وحاليا هو سايبنا ومختفي وغير كل عناوينه وهربان من حكم بالحبس عشان النفقة بتاعتنا وبتاعت الأولاد».