استعادت الإعلامية منى الشاذلي ذكرياتها مع الفنان محمد هنيدي، من خلال نشرها صورة على صفحتها الشخصية عبرموقع تبادل الصور والفيديوهات "إنستجرام"، تجمع بينهم من الماضي.

وعلقت على الصورة قائلةً: "متأكدة إن هنيدي مش فاكر الصورة دي، وواضح كمان إن هنيدي كان مكلف في اللبس زيي بالظبط".

وأضافت الشاذلي: "يوم الصورة دي كان عندي امتحان أيام الجامعة وكنت أنا اللي هقدم الحفلة ومكنش فيه وقت ولميت شعري ونزلت بسرعة، فاكره كويس إن الفستان ده كنت شارياه من فلوس شغل الصيف لإن أنا كنت بشتغل في إجازة الصيف".

وتابعت: "فاكره كويس جداً إن في الحفلة دي محمد هنيدي موتنا من الضحك، اتكلم وضحكنا وغنالنا، كانت ذكرى حلوة جداً، تحية لهنيدي وتحية للصورة".

لقيت الصورة استحسان جمهورها وربط المتابعين بالشبة الكبير الذى يجمع بينها وبين يسرا في صغرها، حيث علق أحدهم قائلًا: "سبحان الله فيكي شبه من يسرا يوم ما كانت صغيرة".

وأضافت أخرى: "وأنا كمان اتأكدت إنها هي من اسمها، افتكرتها يسرا".