رئيس التحرير:

محمود مسلم

رئيس التحرير

محمود مسلم

علاقات و مجتمع

أولياء أمور وطلاب الصف الأول الثانوي عن امتحان الفلسفة: "تم التسريب بنجاح"

كتب: ندى نور -

12:24 م | الإثنين 21 يناير 2019

أولياء أمور وطلاب الصف الأول الثانوي عن امتحان الفلسفة اليوم:

أدى طلاب الصف الأول الثانوي اليوم امتحان مادة الفلسفة، وعبر الطلاب وأولياء الأمور عن استيائهم من تسريب الامتحان مثلما يحدث في كل المواد كما ذكروا.

وقالت ميرنا طارق، طالبة أثناء حديثها لـ "هُن": "الامتحان متسرب كالعادة والمرة دي قبلها بيومين وكل اللي داخل عارف الامتحان والاسئلة وإجابتها في صفحة كام".

وتابعت: "أي حد هيتسأل الامتحان سهل ولا صعب هيقول الامتحان سهل لأننا عارفينه ومش هنقدر نحكم سهل ولا صعب".

وأكد محمد السيد طالب: "احنا كنا بنجاوب على الامتحان بسرعة جدا خلصنا في ربع ساعة لأننا عارفين إجابات الأسئلة من قبلها يبقى سهل أو صعب دي مش هتفرق كتير".

وذكر أن مادة الفلسفة تعتمد على الحفظ لذلك كان من السهل الوصول لإجابات الأسئلة من الكتاب بسهولة، وتسائل: "هو ليه مفيش رقابة على عملية تسريب الامتحان ليه يتساوى اللي ذاكر واللي مذاكرش".

واعترضت منال السيد، ولية أمر، عن استمرار تسريب الامتحانات قائلة: "بنتي خرجت من الامتحان مقهورة وبتقولي تم نقل أسئلة الامتحان بنجاح بسخرية من الوضع القائم".

وعن مستوى الامتحان قالت إن هناك بعض الأسئلة المعقدة، وأضافت: "المدرسين بعد الامتحان قالوا إن في أسئلة من منهج ثالثة ثانوي بس للأسف الطلاب اللي نقلوا الإجابة مفرقش معاهم".