رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

«نورا» تطلب «الخلع»: «بيصحيني في عز البرد أجيبله موز»

كتب: دعاء الجندي -

04:54 م | الجمعة 18 يناير 2019

«نورا» تطلب «الخلع»: «بيصحيني في عز البرد أجيبله موزة من ع السفرة»

واقعة قد تبدو طريفة لدى البعض، إلا أنها كانت عقبة أمام استمرار زواج الشابة العشرينية «نورا.س»، من زوجها «أحمد.م» صاحب الـ31 عامًا، بعدما أقامت دعوى «خلع» ضده حملت رقم 1752/2019، بسبب استحالة استمرار العشرة بينهما لضيقها من متطلباته الكثيرة وما وصفته بـ«الكسل».

زواج استمر نحو 3 أعوام أسفر عن إنجاب ابنهما الوحيد «آدم»، لينتهي أمام محكمة الأسرة في شتاء 2019، بسبب «موزة»، تروي الشابة العشرينية لـ«هن»: «اتجوزنا عن حب سنة ونص قبل الخطوبة لكن مشكلة أحمد الكسل المستمر كل حاجة عايزني أعملها هو يدوب يروح الشغل ويرجع وبس كتر خيره على كدا يديني الـ1800 جنيه وشكرا.. شايف إنه كدا عمل اللي عليه وزيادة وعايزني أصرف على البيت وأخدمه هو وابنه وأمه كمان.. لكن تعبت وهو ما بيساعدش في أي حاجة».

كسل مستمر دفع «نورا» لطلب الطلاق: "مبيشيلش حاجة من مكانها حتى طفاية السجاير بيطللب مني أجيبها وأفضيها وأرجعهاله مرة تاني وهو قاعد قدام الماتش والأكل وكل حاجة أجيبها وأعملها وهو قدام التليفزيون أو نايم.. لحد ما أخر مرة كنت راجعة من الشغل ونضفت الشقة كلها ونمت ويدوب روحت في النوم صحاني في عز البرد يقولي ناوليني موزة من على السفرة.. صعبت عليّ نفسي ما بيحسش بي ولا بتعبي ولما رفضت رفصني برجله من السرير وقعت وقام يضربني فغضبت عند بيت أهلي وحلفت ما أرجعله مرة تانية".

وتابعت: "راجل معندوش رحمة أنا بقعد نص النهار في شغلي وأرجع أكمل شغل أونلاين أبيع من البيت عشان أكمل مصروف البيت وفي نفس الوقت أكون بطبخ وبشوف ابني وهو يا بيشوف التليفزيون أو قاعد على القهوة مع أصحابه معندهوش مسؤولية لأي حاجة".

رفض الطلاق دفع الزوجة للجوء إلى محكمة الأسرة لطلب الخلع من زوجها، لاستحالة العشرة بينهما.

الكلمات الدالة