رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

هي

"غادة" تطلب الطلاق: "جوزي بصباص وأنا بنت ناس"

كتب: سمر عبد الرحمن -

04:15 م | الجمعة 07 ديسمبر 2018

صورة ارشيفية

فتاة جميلة أنيقة في طريقة ملابسها، هادئة في حديثها رغم آلامها، وقفت أمام أخصائية إجتماعية بمحكمة الأسرة في كفر الشيخ، تقص حكايتها مع زوجها، طالبة إقامة دعوى طلاق ضده، بعد زواج دام لعام ونصف.

عيناها تكسوهما الحزن ممتلئتان بالدموع التي حاولت حبسها، يبدو على ملامحها القهر رغم هدوء صوتها قائلة: "أنا جايه أرفع دعوى طلاق من جوزي بعد رفضه طلاقي بالمعروف، وقررت نهائيا الانفصال عنه، لأنه بصباص وبيعاكس الفتيات، دا طبع فيه ماكتشفتوش إلا بعد الجواز، ومبقناش نخرج بسبب مشاكله وغيرته"، كلمات قالتها "غادة. م. ع"، البالغة من العمر 25عاما.

وأضافت "غادة" أمام أخصائية محكمة الأسرة: "تزوجت منذ عام ونصف من مهندس يكبرني بعامين وبعد قصة حب جمعتنا لعدة أشهر انتهت بالزواج، لكنني اكتشفت في خروجاتنا المتكررة بعد الزواج مباشرة، أنه يهوى معاكسة الفتيات وبصباص، فهو يتمتع بمظهر جيد، ونصحته أكثر من مرة إلا أنه لم يعدل عن أفعاله، حتى إن إحدى الفتيات إفتعلت مشكلة معه في إحدى خروجاتنا بسبب معاكسته لها بالنظرات".

وتابعت: "مع أول خروجة في شهر العسل بالساحل الشمالي، كان بيسيبني ويخرج يدور على فتيات لمرافقتهن، وقولت عادي مرة وهتعدي لكن استمر الحال، واكتشفت إن البصبصة طبعه، وأنا بنت ناس ومتربية وهادية ومش بقصر معاه، وقعدت واتكلمت معاه كتير وكل مرة يوعدني بأنه هيبطل لكن تيجي شكاوى، وتعليقاته على الفيسبوك فيها نوع من أنواع الخروج عن المألوف، ورجعت بيت أهلي مرتين بسبب الموضع ده وكل مرة يجي ياخدني هو وأهله وأقول هيتغير لكن مفيش فايدة".

اختتمت حوارها قائلة: "أهله مش عاجبهم وضعه، وهو بيقول ده ترفيه وتسلية مش أكتر، لكن الموضوع بالنسبة لي مزعج، ومش هستنى لما ألاقيه راجعلي بواحدة، هو واخد كل حاجة ببساطة، وبيفكر هدوئي ضعف، بيعاند فيا أكتر، ولما لقيت الموضوع كدة رفضت أخلف منه، وطلبت منه الطلاق رفض، علشان كده جيت أرفع دعوى طلاق ضده للخلاص، ده كرهني في الزواج، كنت بحلم أبني بيت وأسرة مع شخص متفاهم وبيحبني، لقيت العكس كرهت الزواج بسببه".