نشرت الفنانة شذى، عبر حسابها على موقع تبادل الصور والفيديوهات "إنستجرام"، صورة تعبر من خلاها عن إعجابها الشديد بالحلقة التي ظهر فيها الفنان تامر حسني، ضيفًا على برنامج صاحبة السعادة، الذي تقدمه الفنانة إسعاد يونس، واسترجعت شذى من خلالها الذكريات التي كانت تجمعها بـ"تامر" منذ بداية مشوارهما الفني.

وقالت: "وأنا بتفرج على حلقة تامر النهاردة رجعت 15 سنة من وإحنا بنقعد وبنحلم وبنخطط وبنضحك وبنزعل، وافتكرت قد إيه تامر كان مصدق حلمه وواثق إنه هيحققه حتى لو اتأخر وحتى لو ناس كتير كانت بتحاول تحبطه، وحتى لو اتكعبل، بس هو كان بس شايف هدفه، ومصدقه".

وتابعت: "وهو ده المهم كفايه إني بتفرج وأنا فرحاة به كإنه أخويا قريبي حد من بيتنا عشت تفاصيل حلمه، من أول لما كان بيفكر في الفكرة وبيرسمها لحد لما الحمدلله بقى مش بس نجم الجيل لا نجم أجيال حقيقي مش مجرد لقب".

وأضافت: "تامر حسني كان سبب للمرة المليون، إن طاقتي تتجدد من تاني وأحس إن فعلًا إحنا مش تجار ولازم نستحمل ويكون عندنا إصرار نكمل اللي تعبنا فيه من سنين، برافو تامر حسني، نجاحك مش من فراغ، ومش من صدفة".

يذكر أن شذى قد طرحت فيديو لأغنيتها "ناسية روحي" التي صورتها في لبنان مع المخرج محمد القاضي.