رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

"رنا" تطلب الخلع من "محمد".. "انكوي بالنار ولا تقعد حماتي بالدار"

كتب: دعاء الجندي -

03:17 م | الثلاثاء 30 أكتوبر 2018

دعوى خلع

"انكوي بالنار ولا تقعد حماتي في الدار".. مثل شعبي كان تفسيره سر مأساة الشابة العشرينية "رنا. م" 29 عامًا مدرسة اللغة العربية، التي أقامت دعوى خلع ضد زوجها "محمد. م" 31 عامًا محاسب في إحدى الشركات الخاصة، بعدما ضاقت من الحياة برفقة والدته في المنزل.

أوضحت رنا، لـ"هن"، أنها أقامت دعوى "الخلع" أمام محكمة الأسرة، بسبب معاناتها مع زوجها ووالد طفلتها "نجاة" 4 سنوات، موضحة أنها تزوجت منذ نحو 5 سنوات مع والدة زوجها في نفس العقار، وهو ما جعل حياتها "جحيم" بحسب قولها بسبب ضعف شخصية زوجها أمام والدته قائلة: "حاسة إني متجوزة أمه مش هو.. هي بتتحكم في كل حاجة بينا حتى هناكل إيه ونخلف امتى هي اللي بتصرف على البيت من مرتبه".

وأضافت الزوجة العشرينية، أنها لم تعد تتحمل الحياة مع والدة زوجها خاصة بعدما أعربت له عن رغبتها في الحمل مرة أخرى.. لكنه رفض بحجة: "ماما قالت مش هنعرف نصرف عليهم.. وكفاية علينا بنت واحدة"، الأمر الذي دفعها إلى "الجنون" بحسب تعبيرها: "تعبت.. حتى هخلف امتى مامته اللي هتتحكم فيه !".

وتابعت متذكرة بداية تعرفها على زوجها قائلة: "كان جارنا وهو ابن وحيد على بنتين ووالده متوفي من زمان وأخواته أكبر منه.. كان شاب زوق ولطيف اتعرفت عليه بعد ما والدته اتكلمت مع أهلي في البيت.. عملنا خطوبة فترة بسيطة ووافقت أعيش معاهم في بيت والده ووالدته لكن شقة منفصلة.. وبعد الجواز بدأت المشاكل.. الأول خناقات عشان طلب مني أنزل أطبخ تحت عند والدته فرفضت وقولت أعمل أكل في بيتي لكن بعد أكتر من خناقة وافقت عشان مخربش البيت وعشان هي ست كبيرة وحاولت أتجاوز الأمور".

واستكملت: "شوية شوية كل حاجة بيرجعلها فيها.. حتى مصروف البيت هناكل إيه ونشرب إيه.. تلاجتي مفيهاش حتة جبنة كله عند مامته وبنتي كمان هي اللي بتربيها عاملالنا حالة إرهاب لو حد اتنفس من غير إذنها تبقى حكاية".

وأضافت: "من فترة طلبت من زوجي إننا نخلف تاني عشان مش عايزة بنتي تعيش وحيدة اتفاجئت برده عليّ.. إن والدته رافضة ده.. اتصدمت قولتله هي حتى دي كمان هي هتتحكم فيها ! وتركت البيت وطلبت الطلاق لكنه رفض وأكيد أمه قالتله عشان القايمة والشقة.. أنا مش عايزة منه حاجة غير الانفصال وأبعد عن تحكمات أمه وأعيش حياتي".