كتب: شريف سليمان -
09:26 م | الجمعة 12 أكتوبر 2018
عرضت الإعلامية رضوى الشربيني، مشكلة إحدى متابعات برنامجها "هي وبس"، المُذاع عبر فضائية "CBC سفرة"، وجاء في نص الرسالة التي عرضتها: "أنا بحب واحد ومخطوبين، بقالنا سنتين، وكل شوية أقوله مش عوزاك، هو بيحبني وبيجيبلي هدايا، بس بقاله 4 شهور مش بيتكلم ولا بيسأل عني خالص، غير لما أكلمه".
وعلقت الشربيني قائلةً: "زهق، أي حد له طاقة احتمال، ولما تقولي حاجة لازم تكوني قدها، كلمة أنا ماشية مينفعش ترجعي بعدها أبدًا".
وأضافت أن التهديد بفسخ العلاقة يفقد المرأة قوتها، موضحةً: "أول مرة هيتخض ولما تتقال كتير هتفقد تأثيرها، وهو إنسان وطبيعي يزهق، أنا لو في علاقة مع حد وكل أسبوع نسيب بعض، أبعت له بوسة وأقوله يلا يا بابا مع السلامة".
وأكدت مقدمة البرنامج، ضرورة أن تكون المرأة قادرة على تحمل تبعات ما تقوله، وألا تتراجع عن قراراتها، مستطردةً: "أنتي قد الكلمة دي؟! واضح إنك مش قدها، راجل محترم وبيدلعك وبيستحملك، لو متخانقين واتكلمتوا واتعصب، كلميه بالراحة وخديه على حجرك".