ناقشت الإعلامية رضوى الشربيني مشكلة إحدى متابعات برنامجها "هي وبس"، المذاع على قناة "سي بي سي سفرة"، والتي وصفتها بأنها "نفس المشكلة التي تواجهها".

وقالت المذيعة إن مشكلة النهاردة سؤال أنا كنت بسأله لنفسي كرضوى الإنسانة"، مضيفة: "المشكلة لسيدة مطلقة عندها ولد وخايفة من الارتباط بس جالها واحد ابن حلال وظروفه مناسبة جدًا لظروفها".

وشرحت "الشربيني" فحوى رسالة السيدة قائلة: "خلال تعاملها مع أحد الأشخاص عرفت عيوبه ومميزاته وأحبته وتقبلته كما هو، وخلال شهور قليلة هيجي يتقدم وتكون في بيته"، وتابعت على لسان صاحبة الرسالة: "فجأة حسيت إني شبه مش هقدر أعمل كدة وفضلت أفكر في الناس واللي هيحصل رغم موافقتي في الأول".

وردت الشربيني على المشكلة معلقة: "بعد شوية وقت وبعد شوية تفكير مش مهم الناس هتقول إيه.. إنتي هتكوني بتعملي حاجة بترضي بيها ضميرك وربنا، سنة الحياة إننا نتجوز، واحنا بني أدمين عندنا مشاعر وبنحب وزي ما بتقولي إنتي اختبرتيه".

وأنهت حديثها: "إنتي حبيتي عيوبه قبل مميزاته فأعتقد ده الاختيار السليم ولكن كل شيء قسمة ونصيب بس إيه المشكلة أه اتجوزي تاني ومش مهم كلام الناس وإنتي عندك ميزة إن معاكي ولد، وباقي رسالتك عن جزء أنك لو دخلتي البيت ولقتيه أتغير أو إبني مرتاحش معاه سبيه".