رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

هي

بالفيديو| الحب من وجهة نظر رضوى الشربيني: مشاركة وراجل اطبطب عليه

كتب: الوطن -

11:29 ص | الأربعاء 19 سبتمبر 2018

رضوى الشربيني

تحدثت الإعلامية رضوى الشربيني، أمس، في برنامجها "هي وبس" المذاع على فضائية "سي بي سي سفرة" عن معنى الحب الحقيقي من وجهة نظرها.

وقالت رضوى، خلال البرنامج، وفي "فيديو" تداوله عدد كبير من مستخدمي موقع التواصل الاجتماعي "فيسبوك": "الحب مشاركة مش امتلاك، الحب مش 30 مكالمة تليفون في اليوم، لكن مكالمة واحدة يكون موجود بيها الـ24 ساعة".

وأضافت: "لما أقوله إني محتاجاه ميقوليش عندي فرح أو شغل، الحب لما يقع مستخسرش فيه صيغتي وشبكتي ودهبي وأقوله ابدأ من الأول وهنزل اشتغل معاك".

وأوضحت معنى الحب من وجهة نظرها: "الحب اهتمام واحترام، يحسسني إني ملكة، ولو حتى مش بنشوف بعض كتير أكون متأكدة إني أكتر حد في الدنيا واحشاه، راجل يطبطب عليا واطبطب عليه".

وقالت رضوى إن الحب لا يجب أن يكون له سبب معين، "مينفعش أقول بحبه علشان شكله، لأن شكله هيروح، أو علشان غني وبيجيب هدايا، وشقة وعفش، لأنه ممكن يفتقر، مينفعش أقول هو ابن فولان، لأن الصيت بيروح".

وأكدت الشربيني، "الحب بيستمر بالقرار، واوعي تتنازلي عن الحب أو تتغاضي عن أي حاجة، علشان مفيش حد بيتغير عشان حد، الحب إنك تتسندي عليه، وإنه هيشيلك، ولازم يكون معاكي راجل".

 

الكلمات الدالة