كتب: يسرا محمود -
03:49 م | الخميس 23 أغسطس 2018
دعمت شهد رمزي، زوجها المنتج كريم السبكي، في الصراع على تصدر إيرادات أفلام عيد الأضحى، بين فيلمه "الديزل" و"البدلة" للفنان تامر حسني.
وكتبت شهد، عبر حسابها على موقع تبادل الصور والفيديوهات "إنستجرام": "مبروك (الديزل) رقم واحد أول أيّام العيد ومبروك لكل الأفلام الحمدلله".
وأضافت: "إيرادات الأفلام، الديزل: ٣٢١٢١١٠، والبدلة: ٢٦١٥٣٥٦، وتراب الماس: ١٢٩٥٠٨٨، والكويسين: ١٢٣٦٢٨٠، وبني آدم: ٧٢٤٧٩٥، وبكيا: ٢١٥٥٨٩، وسوق الجمعة: ١٧٤١٠٣".
واشتعل الصراع بين صناع فيلمي "البدلة" و"الديزل" بسبب إعلان كل منهما عن إيراداته حيث هاجم حساب منسوب للمنتج وليد منصور الفنان محمد رمضان ووجه له العديد من الانتقادات لإعلانه أن فيلمه احتل صدارة الإيرادات.
وكتب المنتج وليد منصور على صفحته بـ"فيس بوك" قائلا: رسالة موجهة مني المنتج وليد منصور إلى شخص (...) وصلني إنك بتبعت رسائل من تليفونك الشخصي تتهمني فيها بتغيير أرقام الإيرادات، مكنش نفسي أرد على (..) علشان مخرج العمل ومنتجه أصدقاء محترمين بس انت زودتها قوي يا (..).
وأضاف "إرتاح يا (..) محدش هيصدقك عمرك ما كنت رقم 1 في الإيرادات".
وتابع: "عمرك ما كنت أحد نجوم الصف الأول، وانت عارف إن السبب إن فنك هابط يا (..)، وملامحك للأسف متعرفش تعمل غير دور المدمن أو البلطجي أو إرهابي أو حرامي"، مستكملا "أنا كان نفسي متكلمش عنك لإنك أصلاً بالنسبالي وبالنسبة لكل الشعب الراقي المحترم أكذوبة، وانت عارف كويس إن أفلامك طول عمرها بتفشل قدام النجوم المحترمه زي السقا وعز وتامر وأستاذ عادل إمام".
واستطرد "نصيحة يا (..) روح اتمرن تمثيل بدال ما انت أداءك واحد في كل أدوارك يابني انت طبعاً انت هتموت عشان مش عارف تشتري ڤيوز زي أغانيك الهابطة، فمفضوح أوي قدام الغلابة اللي مصدقينك اللي بينقرضوا واحد ورا التاني يا (..).
واختتم حديثه قائلاً: "قسماً بالله لو لقيتك بتهرتل على أي حد تاني هيكون ردي أعنف من كدة، وأصلاً أنا لسه مخلصتش ردي انت هتموت من الغيظ عشان "البدلة" علم عليك ولسه هنعلم أكتر وانت عارف هتتمسخر ازاي الفترة اللي جايه زي ما اتمسخرت فكل أفلامك اللي فاتت".
