وجهت الفنانة المعتزلة حلا شيحة رسالة لمن يتعمد نشر صور لها من أفلامها السابقة، في التعليقات الموجودة على صفحتها الشخصية على موقع التواصل الاجتماعي "فيس بوك"، مؤكدةً أن هذا الأمر لن يضايقها، وأنهم ينجحوا في "استفزازها".

وقالت الفنانة المعتزلة: "أي حد بيتعمد ينزل لي صورة من أفلامي السابقة على صفحتي لن يستفزني أبداً بفضل الله والذنب مش أنا اللي هاخده.. ده حيكون كله علي الشخص اللي سولت له نفسه الأمر ده.. أنا بخاف من الله وحده الحمد لله قو ية جدا بالله وحده".

وتابعت: "ثم الدعاء وادعوا الله الثبات في كل لحظة في يومي وأنا ذقت الحياة بعيد عن الله وبالقرب منه، ولا أتخيل حياتي أن تعود كالسابق.. والحمد لله أنا بنت ناس طيبين وعائلة طيبة، ولي في حياتي السابقة بعض الأخطاء لكن أخطاء بنت في سن صغير شئ وارد و لا بد منه".

وأضافت: "كل إنسان يخطئ ولا بد أن يخطئ وإلا فكيف يعرف الصواب.. لست نادمة علي شئ مر من حياتي لأن كل ما مضى قادني إلى الله ومحبته والتعلق به.. الدنيا دار اختبار لكل الناس إحنا جينا هنا لحكمة عظيمة ولهدف، ولو الإنسان مسألش نفسه وحاسب نفسه كل فترة حيعيش كدة وخلاص..  لازم نسأل نفسنا احنا مين وهنا ليه وايه السبب في وجودنا، أسئلة غيرت حياتي و حياة ناس كتير، واللي بيسأل بصدق غير اللي بيضحك علي نفسه بشوية أوهام تريحه وهيصدقها وخلاص".

وأوضحت: "علشان كدة بقول لأي حد بيحاول يأذيني علي الصفحة أو يقول كلام عني بيحاول بيه يضايقني.. أقوله متحاول معايا وصعب تعرف، لأن مصدر قوتي وصبري واستمراري في طريقي من الله القوي المتين الجبار العزيز.. اللي لو كنت تعرف قدره مكنتش حتي فكرت إنك تؤذي نفسك ايوة انت فعلاً أذيت نفسك.. أما أنا ففوضتُ أمري إلى الله.. والله المستعان علي ما تصفون".