رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

ندى موسى: "خسيت 13 كيلو علشان بالحجم العائلي"

كتب: محمد الشيخ -

07:52 م | الخميس 24 مايو 2018

«ندى»: خسيت ١٣ كيلو علشان «بالحجم العائلى»

أعربت الفنانة الشابة ندى موسى عن سعادتها بالمشاركة مع الفنان القدير يحيى الفخراني في مسلسل «بالحجم العائلي»، وقالت في تصريحات خاصة لـ«الوطن»: «تجربة ممتعة جدا، سعيدة بكل مشهد بيجمعني بالدكتور يحيى، لأنه ممثل قدير، اللي بيشتغل قدّامه بيحس أن عينه نفسها بتتكلم وبياخدك لعالم تاني خالص ويجبرك إنك تقدم أحسن ما عندك في المشهد».

وحسب «ندى» فإنها تشرفت أيضا بالعمل مع المخرجة هالة خليل والكاتب محمد رجاء، الذي وصفته بالسيناريست الشاطر: «أعماله فيها فلفل وشطة، لأنه عارف بيعمل إيه وبيكتب إيه».

وعن الاستعدادات التي سبقت مشاركتها في المسلسل قالت: «في مسلسل (حكاية بنات) كان مطلوب إن وزني يبقى زايد، وفي مسلسل (بالحجم العائلي) بجسد دور مدربة زومبا، يعنى لازم يبقى جسمي رشيق جدا عشان كده خسيت 13 كيلو في 3 شهور ودلوقتى بحاول أحافظ على وزني رغم إغراءات الكنافة والحلويات من يوم ما بدأ رمضان».

وتابعت: «قضينا 3 شهور مع بعض بنصور المسلسل في مرسى علم وكنا بعيدين عن أهالينا، وده خلانا كلنا عائلة واحدة وأصحاب بجد، دلوقتي تقريبا فاضل لي 20% بس من مشاهدي».

وأكدت «ندى» سعادتها بردود الفعل على المسلسل وعلى شخصية «رشا» التي تجسدها: «أنا بعمل كل اللي عليا علشان أقدم حاجة تسيب علامة كويسة عند الجمهور، ويارب أكون قد المسئولية الكبيرة دي في التمثيل مع نجم كبير بحجم يحيى الفخراني، خصوصا إن هو اللي اختارني للدور ده».

الكلمات الدالة