كتب: آية أشرف -
09:43 م | الأحد 13 مايو 2018
استنكرت الراقصة سما المصري ما فعله الفنان محمد رمضان مؤخرًا، عقب استعراضه لسياراته الثلاثة، عبر حسابه على موقع تبادل الصور والفيديوهات "انستجرام".
ونشرت "المصري" صورة لمحمد رمضان، عبر حسابها الرسمي على موقع تبادل الصور والفيديوهات "انستجرام" وعلّقت عليها قائلة: "بص يا محمد أنت نجم ونجم كبير مش صغير والناس بتحبك عشان أنت فعلا تعبت والشباب نفسها تبقي زيك في كفاحك ونجوميتك وجمهورك من الغلابة اللي شايفينك قدوه ليهم".
وتابعت: "بلاش تجرح مشاعر الغلابة دول بتصويرك كل شوية للعربيات اللي عندك.. ربنا يديك أكتر وأكتر عربيات وفيلل وكل حاجة حلوة أنت تعبت وتستاهل بس راعي ظروف الشباب الغلبان اللي بيحبك، إنهم يا عيني ظروفهم مش مساعداهم إنهم حتى يتجوزوا بسبب ظروف البلد".
واستكملت: "خليك دايمًا واحد منهم حتة منهم ذي ما هم شايفينك دايمًا يا سيدي داري علي شمعتك تقيد، في ناس بتحقد كتير وعينها وحشة والناس التانية غلابة ونفسهم في لقمه عيش حاف".
وتابعت: "خاف علي مشاعرهم شوية انا عارفه انك تتمني لكل الناس الخير وبتحب جمهورك ومش قصدك تجرحه بس الغلابه ما بيحسبوهاش كدة".
واختتمت حديثها قائلة: "خليك دايمًا عندهم أسطورة بفنك مش أسطورة بعربياتك.. أنت جدع وابن بلد وربنا هيديك من خيره أكتر وأكتر بس خلي بالك من الغلابة وظروفهم والشباب التعبانة اللي نفسها تفرح ومش عارفة".
وكان محمد رمضان، قد نشر مقطع فيديو مؤخرًا، عبر حسابه الشخصي على موقع تبادل الصور والفيديوها "انستجرام"، يستعرض خلاله سياراته الفارهة.
