كتب: غادة شعبان -
08:09 م | الأربعاء 26 أبريل 2023
حياة استثنائية تعيشها الفنانة فيفي عبده، التي تتبنى وتتكفل بأطفال ليسوا من جوف رحمها، وتعاملهم وترعى شؤونهم، وتتحدث عن طبيعة علاقتها بهم خلال اللقاءات المختلفة والمناسبات التي تظهر بها، لتعيش حياة أسرية مختلفة بعيدا عن الأضواء والشاشات، نلقي الضوء عليها في ذكرى الاحتفال بعيد ميلادها.
كشفت فيفي عبده، أهم ما تحبه وتكرهه في ذاتها، خلال استضافتها في أحد البرامج التي تقدمها الإعلامية هالة سرحان، قائلةً: «بحب فيا صراحتي وبكره فيا عندي، بحب اسم كلمة يا رب وبكره النفاق، اللي بيبكيني من قلبي أي لحظة حزن، واللي بيفرحني ويضحكني هما ولادي، خاصة بنتي هنادي، البلد اللي بحبها هي إمبابة اللي اتولدت فيها».
وتحدثت فيفي، خلال البرنامج عن الحياة الأسرية، موضحة: «الأمومة بتمثلي الحنان والزوج الضهر والسند، وأمي خاصة بتمثلي كل حاجة في حياتي، من غيرها حالي يغم، بكره الخيانة جدا وبيعجبني في الست عزة النفس وبكره فيها الضعف، وبحب في الراجل رجولته».
حاروت الفنانة فيفي عبده، نفسها، متحدثة عن أزواجها وحياتها الأسرية، إذ قالت عن نفسها: «سلام مربع لفنانة فحتت في الصخر لما وصلت للقمر، بسيطة وجذابة ودمها خفيف، رقصت وبقت ستهم ومثلت وبقت منهم، هي عطيات فيفي عبده، أنا مبتكسفش بس دي طبيعتي».
«قوليلي يا طاطا أيام زمان كانت أحلى ولا الأيام دي»، لترد على السؤال فيفي عبده، قائلةً: «لا طبعا أيام زمان، كل حاجة كانت فيها خير وحيوية ونشاط والناس طيبة ومختلفة والجيران بتحب بعضها والستات كانت حلوة، أنا اتجوزت 5 مرات، 3 عرفي و2 شرعي، وعندي بنتين عزة وهنادي، وأخر جوازة اتجوزتها بمخي، أبو هنادي وعايشة معاه 15 سنة وإحنا فاهمين بعض كويس أوي، عزة بنتي قريبة من سني وصحاب جدا وبنتكلم في حاجة ممكن تكون مرتبطة بين 2 أخوات في البيت والأولاد وأدق أسراري بقولها ليها ومتفاهمين جدا، وهنادي قريبة مني وصاحبتي جدا».
وعن سر تربيتها لأطفال أخرى، قالت: «بالنسبة ليا طاطا زي أولادي بالظبط، ممكن أقسى على عزة وهنادي، لكن هي لا، الولاد تربيتهم مش بالفلوس ولا تصرفي على الأيتام وتديهم إحساس بالأسرة والامومة، طاطا سموها على اسمي، وكان الشيخ الشعراوي سماها بالاسم ده، لما ماما تحية كاريوكا لاقيتها وسموها عطية الله، بشرف على تربيتها زي ولادي بالظبط وعلى مدرستها، وعندي كمان عبد الله لقيته وهو 5 أيام، وبقى الولد الرابع بالنسبة ليا، وحلمت قبل ما ألقاه إني خلفت ولد وسميته بالاسم ده».