كتب: غادة شعبان -
01:09 ص | الأربعاء 26 أبريل 2023
علاقة مميزة تجمع بين الفنان أحمد فهمي والكلبة «زيزي»، التي يربيها، لكنها تتسبب في غيرة زوجته الفنانة هنا الزاهد، الذي يتحدث عن تلك العلاقة خلال الاستضافات في البرامج التليفزيونية المختلفة، وعن حبه الشديد لها، وكيف تتعامل زوجته معه، وسبب غيرتها الشديدة منها.
خلال استضافته في برنامج «مساء dmc» على شاشة dmc، تحدث أحمد فهمي، عن حكاية الكلبة زيزي، الذي وصفها بأنها أشهر كلبة في مصر، وكواليس علاقته بها، قائلًا: «معايا في كل حتة، دي أهم واحدة في الدنيا، بتنام على كتفي وبتقعد طول الوقت، هي مايصة شوية، عندها 4 سنين، كانت صدفة غريبة، وكنت أنا وهنا لسه مخطوبين، وكان مصطفى خاطر طلب مني كلبة صغيرة ليه هو ومراته، هو ساكن في البيت اللي جنبنا، طلبت له الكلبة دي، هي مبتكبرش عن الحجم ده، وإحنا رايحين نجيبها كان معايا هنا، قالت لي مش هسيبها وهاخدها».
وأضاف أحمد فهمي: «هنا خادتها عندها البيت وقتها ولما اتجوزنا جبناها البيت، طول عمري بربي الكلاب الكبيرة، عمري ما ربيت الحجم ده، وفي سنة كانت هنا اللي بتشتغل وأنا معنديش حاجة في رمضان، وحصل حب غريب وتعلق بيني وبين زيزي، بتعرف تاكل بعقلي حلاوة».
كانت هنا الزاهد، قد تحدثت عن طبيعة علاقة زوجها أحمد فهمي، بالكلبة الخاصة بهما «زيزي»، خلال استضافتها في برنامج «يوم ليك»، على قناة الحياة، قائلةً: «أكتر شيء يغيظني في أحمد علاقته بالكلبة زيزي، هي علاقة مريبة، تحس إن هي علاقة راجل بحبيبته، مش بأفور وبضايق جدا من العلاقة دي».
وعلق فهمي، عن حديث زوجته وعلى علاقته بالكلبة «زيزي»، قائلًا: «بحب زيزي أوي، أكيد مش أكتر من هنا».
خلال استضافته في برنامج «أبلة فاهيتا»، تحدث أحمد فهمي، حينما تلقى سؤال: «طنط زيزي علاقتها إيه بطنط هنا؟»، ليرد: «بيغيروا من بعض جدًا، زيزي لو أنا ماسك إيد هنا بتتجنن عايزاني أسيب إيديها، وهنا مرة قريب من شهر لقيتها بتعيط في الأوضة والله مش بقول أي كلام، دخلت افتكرت حاجة حصلت لقيتها بتقول لي أنا بجد بقيت اتضايق من موضوع زيزي، أنت قاعد معاها طول الوقت، وسايبني وبتلعبوا مع بعض، كانت بتتكلم بجد جدًا فأنا خوفت على نفسي، قولت دي مضطربة نفسيًا أكيد عشان غيرانه من الكلبة».
وسألته أبلة فاهيت: «الحاجة اللي زيزي أخدتها منك؟»، قال: «دايمًا بتمشي منكوشة في البيت، وفصيلتها علطول شعرهم ناعم لكن هي منكوشة، وبتستحمي قليل، وأنا بستحمى لما بتوسخ، لكن بحب النزول في حمامات السباحة».