كتب: آية أشرف -
09:56 م | الخميس 21 يوليو 2022
كأن العالم أجمع خانها بوفاة والدتها، فلم تتوقع ميرنا مدحت، ابنة الدكتورة سميرة عزت أستاذ الصحة العامة والوكيل السابق لمعهد الكبد القومي بالمنوفية، إن بين طرفة عين لم تستطع رؤية والدتها مُطلقًا، بعدما لفظت أنفاسها الأخيرة عقب استخدامها مصعد كهربائي لإحدى شركات الأدوية الكبرى بمدينة السادس من اكتوبر.
كلمات مؤثرة ووداع مؤلم، ودعت به ميرنا مدحت، ابنة الدكتورة سميرة عزت أستاذ الصحة العامة والوكيل السابق لمعهد الكبد القومي بالمنوفية، والدتها عبر حسابها الشخصي على موقع التواصل الاجتماعي «فيسبوك»، مدونة: «عيشتي طول عمرك مخلياني فخورة بيكي وحتى بعد ممشيتي وسيبتيني خليتيني فخورة بيكي، الناس كلها بتحبك وبتشكر فيكي وفي أخلاقك وطيبتك واجتهادك اللي يعرفوكي من 30 سنة واللي من سنة واحدة كلهم مجمعين عليكي كلهم بيقولوا نفس الكلام».
وتابعت ابنة الطبيبة الفقيدة، في منشور الوداع: «شكرا إنك مخلياني دايما فخورة بيكي، وشكرا إنك ربتينا زيك خليتيني أفكر قبل ما أعمل أي حاجة فيكي».
واستطردت الفتاة: «مش فاهمة يعنى إيه هدخل البيت ومشوفش أنتي فين ومش عارفة هنعمل إيه بعدك عشان أنتي اللي كنتي شيلانة كلنا، يا رب تكوني عارفه كل ده وتكوني عارفه أنا بحبك قد إيه، الناس بتقولي أني قوية زيك وأني حنينة زيك، وأنا مكنتش فاهمة حتى أنت بتعملي كل ده إزاي، كنتي role model ليا و لصحابي و للناس كلها، وحشتيني»
سقط مصعد شركة أدوية في مدينة أكتوبر، ما أدى إلى وفاة الطبيبة سميرة عزت، الوكيل السابق لمعهد الكبد القومي بالمنوفية، وجرى القبض على فني الصيانة الخاص بالمصعد، وطلبت النيابة تحريات المباحث حول الواقعة، بعد الاستماع لأقوال الفني في تحقيقاتها لكشف ملابسات الحادث.