كتب: آية أشرف -
08:50 م | السبت 18 يونيو 2022
احتفلت الفنانة رانيا يوسف بتخرج ابنتها من المدرسة، للانتقال لمرحلة دراسية جديدة، وذلك عبر حسابها الشخصي على موقع تبادل الصور والفيديوهات «إنستجرام».
وظهرت الفنانة رانيا يوسف بفستان أحمر أنيق، وشعر كيرلي غجري، وهي بصحبة ابنتها، مُعلقة: «احلى واجمل يوم في عمري وننوسة بتتخرج من المدرسة ربنا يحفظك ويخليكي ليًا ولأختك ولأبوكي ونشوفك أسعد وأنجح بنوتة، عمري كله وحياتي ليكي ولأختك ربنا يحفظكم ويسعدكم ويخليكم ليا يا قلب وعمر مامي».
ووجهت الفنانة رانيا يوسف نصيحة للبنات بأن يتزوجن بعد سن الثلاثين، خلال تصريحات خاصة لـ«الوطن»، قائلة: «أنا بنصح البنات إنهم يتجوزوا، بس الفكرة يتجوزوا إمتى، هو ده المهم».
وأكدت أنها دائما تتحدث مع بناتها في هذه المواضيع، قائلة: «أنا دايما بتكلم مع بناتى طول الوقت، وبقولهم ميتجوزوش غير لما يلاقوا حقيقي الشخص اللي فعلا إنتي وهو مقتنعين إنكم عاوزين تكملوا الحياة مع بعض، وده مش هيتحقق قبل 30 سنة، لأننا كلنا بنمر كل 10 سنين بمرحلة معينة من النضج والخبرة، وأننا نتعلم من غلطاتنا وغلطات الناس اللي حولينا».
وتابعت الفنانة: «أنتي مش هتفهمي يعني إيه بيت وزوج وأسرة ومسؤولية غير لما تشتغلي، وتنزلي أرض الواقع وتحتكي بالناس، وتغلطي وتتعلمي من غلطك، وده هيتحقق لما تكونى خلصتي جامعتك واشتغلتي خمس أو ست سنين على الأقل، وعرفتى فيهم إيه هي وقعات الحياة، وفهمتي أنتي عايزة إيه من الراجل اللي عاوزة تتجوزيه، وترتبطي بيه، وإيه شكله ومواصفاته».
