كتب: منة الصياد -
06:21 م | الأربعاء 11 مايو 2022
بعد إعلانها عن تعرضها للضرب على يد زوجها وطلاقها منه خلال أدائهما لمناسك العمرة، دونت البلوجر أحلام عادل، مجموعة من الرسائل، عبر خاصية القصص القصيرة المصورة «استوري»، على حسابها الرسمي بموقع تبادل الصور والفيديوهات «انستجرام»، والتي سرعان ما أثارت تساؤلات العديد من متابعيها.
ودونت أحلام عادل قائلة: «عندي كلام وأسباب وفضفضة أقولها، بس اكتشفت إن مش كل العيون بتبقى جمبك ومعاك بجد، فيه عيون نفسها تشوفك مكسور وحزين لمجرد نزعة الشر».
وتابعت البلوجر: «غلط كبير إني نزلت واتكلمت، والغلط الأكبر إننا نبقى بني بشر زي بعض وشغالين وجع وإهانة وأحكام وكلام مش حقيقي، لمجرد إن معنديش قوة الكلام اللي لو كلنا عرفناه هتحضنيني قبل ما تفكري تكتبي كلمة توجعني».
أما عن طلاقها من زوجها مصمم الأزياء أحمد العجمي، قالت: «أنا رجعت من العمرة واترديت وسامحت، وماقدرتش لما حصل غلط أكبر، بعيدا عن إن كلنا بنغلط وإني محتاجة فترة أهدى وأفكر عشان أعرف أبدأ».
واختتمت أحلام عادل رسائلها موجهة عبارة قالت خلالها: «القلب بيحس بكل واحد بيحبه وبيتمناله الخير وبكل حد مش بيحبه ولا بيتمناله الخير ومن غير ما ينطق ولا كلمة، القلوب ما بينها مراسيل».
أما عن عفويتها الشديدة تحدثت عنها البلوجر الشهيرة، «أنا من قبل الجواز بصحى كل يوم أقول صباح الخير يا سما، وصباح الخير يا شقة، ويا حيطان، وطول منا لوحدي عايشة هناك مش مع الناس، أنا طول الوقت عايشة في عالم موازي مافيهوش أي حاجة وحشة، في مرة أحمد بيقولي أنتي بتضحكي مع نفسك بتعملي دماغ إيه قولتله دماغ فرحة ورحمة».
وكان خرج مصمم الأزياء أحمد العجمي، في بث مباشر عبر حسابه الرسمي على موقع «إنستجرام»، وطلب خلاله السماح من زوجته أحلام عادل، موضحا أن هناك بعض الخلافات التي وقعت بينهما بالفعل خلال رحلة العمرة، «ده ماكنش لازم يحصل خالص، لما رجعنا من العمرة صالحتها وكنا كويسين»، ليتابع بأنهما تعرضا للخلاف مرة أخرى، ما أدى إلى حدوث الطلاق.
