قالت الدكتورة هبة قطب، استشاري الطب الجنسي والعلاقات الزوجية، إنه لا يوجد مانع من وجود «بوي أو جيرل فريند» في حياة البنات أو الأولاد إذا كان الهدف من ذلك هو الارتباط أو الزواج، «أنا ليا رأي متصالح شوية مع نفسي، محدش هياخد رأي الآباء والأمهات أنه يحصل أو ميحصلش، فخليها بجميلة، إن جالك الغصب خده بجميلة، فخلينا نقول ونبقى أصحاب».

لازم نبني جسور الثقة مع الأولاد

وأضافت «قطب»، خلال تصريحات تلفزيونية، أن على الآباء والأمهات التقارب مع أولادهم لبناء جسور من الثقة بين الطرفين، «لو أنا قولت لأ هيحصل مش محدش هيقولي، والأفضل أقول أوكيه عشان يبقى فيه جسور للحوار، ويبقى ليا كلمة أقدر أقول أقول أو لأ».

لو الهدف من «البوي فريند» الارتباط إيه المانع؟

وأوضحت الدكتورة هبة قطب، استشاري الطب الجنسي والعلاقات الزوجية، أنها توافق بأن يكون للبنات «بوي فريند» ولكن بشرط أن يكون الهدف من ذلك في النهاية هو الارتباط: «أنا موافقة بس بشرط يكون فيه ارتباط أو زواج، لكن حكاية إن يبقى فيه بوي فريند لغير كده أنا مش موافقة، بنتي كانت بتقولي وهي صغيرة فيه حد معايا في الفصل بتحبه، فكنت أقولها طب ليه تحبي واحد ما تحبي كلهم، أنتو كلكم مع بعض في المدرسة».

هبة قطب تكشف السن المناسب لـ «البوي فريند»

وعن السن المناسب ليكون هناك «بوي فريند» في حياة البنات، قالت الدكتورة هبة قطب، استشاري الطب الجنسي والعلاقات الزوجية،: «بداية من الجامعة نتكلم عن البوي أو الجيرل فريند مع الأولاد، لكن قبل كده لأ، مفيش حاجة اسمها أن الولد يلعب ببنات الناس ويقول أنا هصحابها شوية وهنسيب بعض، مفيش كده، ومفيش حاجة اسمها البنت تصاحب ولد عشان دمه بس خفيف».