قصة جديدة لضحية من ضحايا «العنف الزوجي» كشفت عنها إحدى السيدات، مؤكدة أنها تعرضت للعنف والاعتداء هي وأبنائها على يد زوجها مدمن المخدرات الذي شرع في قتلها أكثر من مرة على حد قولها.

تكشف السيدة التي لم تذكر اسمها خلال حوار مع الإعلامي تامر شلتوت، قصة زواجها من عامل في ورشة ببلدها «كفر الزيات»، قائلة: «أهلي كانوا رافضين لكن والدته أقنعتني أنه غلبان وطيب واتجوزته بعد موافقة أهلي وليا أخ و3 بنات أشقاء، في الأول كان بيضربني بالقلم وتطور الموضوع أنه يضربني بحديدة في أول سنين الجواز».

وقالت السيدة خلال لقائها: «عشت معاه ع الحلوة والمرة عشان خاطر عيالي، وكان بيضربنا ويخنقنا أنا وبنتي لحد ما خد سكن في إسكندرية وكل ما يضربنا يعلي صوت التلفزيون عشان محدش يسمع.. من قلة الجوع كنت باكل المخلل ومكانش بيشتغل وقعدت معاه 15 سنة».

وأضافت السيدة عن زوجها التي أنجبت منه طفلين: «مدمن مخدرات ومبيصرفش على البيت وفي مرة كلت برطمان مخلل من الجوع، وكان بيبهدل فيا، ولما قولتله طلقني قالي روحي المحكمة وفيه ناس قالولي جوزك بيشرب مخدرات، وفي مرة كان هيرميني من البلكونة وأنا ساكنة في الدور السادس، وأول ما شالني عشان يرميني أخوه بلغ الشرطة واتحبس شهر وبعدين اتصالحنا».

طبيب نفسي عن إشعال طفلة بولاق النار في والدها حيا: «شافتها في فيلم رعب»

وحكت السيدة عن شروع زوجها في قتلها: «كنت لسة مخلفة ابني اسمه (فرج) ويوم السبوع ولع في السقف بأنبوبة عشان قولتله أنا جعانة وكانت أمه عندنا، وقولتله عايزة أكل لأني جعانة، وأمي وأمه اتخانقوا معاه وساعتها اتصبت بالنار في رجلي لولا أن الناس أنقذوني وودوني المستشفى غير أنه كان بيخنق البنت ويكتم نفسها وكان بيكهربنا».

وواصلت: «في يوم قولتله محدش بيعيش عافية وفضل يضرب فيا وكنت عايزة أمشي وأهلي مش بيتدخلوا وأخويا قالي عيشي وجالي القلب بسببه، ولما أخويا حاول يتدخل كان عايز يعتدي عليه بالساطور وهو معروف عنه في المنطقة أنه بلطجي».