تعرضت الفنانة آيتن عامر، لهجوم لاذع من قبل رواد مواقع التواصل الاجتماعي، بسبب دعوتها للجمهور لمتابعتها على أحد التطبيقات الشهيرة، بعد احتفالها بوصول حسابها لـ11 مليون متابع. 

وشاركت الفنانة متابعيها عبر حسابها الشخصي على موقع تبادل الصور والفيديوهات «انستجرام» قائلة: «نزلوا الأبليكيشن BIGO live عشان نتقابل live الساعة 5 ونتكلم ونحتفل سوا بالـ11 مليون». 

View this post on Instagram

A post shared by Ayten Amer (@aytenamer)

وسرعان ما هاجمها المتابعون، بسبب دعوتها لتطبيقات مُشابهة لتلك التطبيقات التي دعت لها فتاة التيك توك حنين حسام، والتي سُجنت على أثرها، وعلق المتابعون: «نفس نوعية الأبلكيشنز اللي حنين حسام أعلنت عنها وأخدت بسببها 10 سنين، وكل الناس عارفه كويس الأبلكيشنز دي بيتعمل فيها ايه في اللايڤات، ومش معنى انك نجمة تقومي تقبلي تاخدي فلوس عشان تعملي إعلان وتطلعي لايف محترم وسلام عليكم وبعد كده كل اللي نزل الابلكيشن بسببك عارف سكته بعد كدة منين، مش هقول في المبادئ بس علي الأقل فين القانون، لو حنين هتتسجن يبقا كل الابلكيشنز دي تتقفل وكل اللي أعلنوا وبيعلنوا عنها يتسجنوا هما كمان». 

وتابعت أخرى: «ما تطلعي اللايڤ هنا وتتكلمي براحتك بدل البرنامج ده! إنتي مش ناقصك حاجة يا أيتن عشان تعملي إعلانات وبعدين حتى لو إنتي محتواكي محترم افرضي البنات دخلت واتسحلت فيه، اتقي الشبهات وبلاش الكلام ده لأنه زيه زي البرنامج اللي اعلنت عنه حنين حسام».

وقالت إحدى الفتيات: «هو مش ده برده نفس اللي عملته حنين حسام ولا ايه».

حبس حنين حسام 10 سنوات

وكانت محكمة جنايات القاهرة، عاقبت حنين حسام ومودة الأدهم وآخرين، في اتهامهم بالاتجار في البشر، بالقضية المعروفة إعلاميًا بـ«بفتيات التيك توك»، حيث قضت بمعاقبة حنين حسام غيابيًا بالسجن المشدد 10 سنوات، وتغريمها 200 ألف جنيه، وباقي المتهمين حضوريًا بالسجن 6 سنوات وتغريم كل منهم 200 ألف جنيه.

وتم القبض على حنين حسام، لتنفيذ الحكم الصادر ضدها بالسجن المشدد 10 سنوات وغرامة 200 ألف جنيه.