كأميرة من أميرات ديزني، أطلت مليكة ابنة الفنان علي ربيع، بفستان باللون الزهري، وتركت شعرها منسدلًا على كتفيها، بعدما تعافت من الوعكة الصحية التي دخلت المستشفى على إثرها.

ونشرت والدتها ندى محمود، طليقة الفنان علي ربيع، لقطات من حفل عيد الميلاد، الذي أعده والدها.

وشاركت ندى، صورة لوالدها وابنتها، عبر حسابها على موقع تبادل الصور والفيديوهات «انستجرام»، قائلة: «شكرا يا بابا على اليوم الجميل ده ربنا يخليك ليا أنا ومليكة، تعيش وتعملها يا حبيبى أحسن أب في الدنيا تعيش وتفرحها». 

وشاركت ندى محمود عبر خاصية «استوري» على موقع تبادل الصور والفيديوهات «انستجرام»، مقطع فيديو مصور ظهرت خلاله، قائلة: «ربنا يخليلنا ولادنا ونفرح بيهم..عايزة أشكر كل الناس اللي جت عيد ميلاد مليكة علشان نفرحها وعايزة كل الناس اللي سألت عليها لما كانت تعبانة، الحمد لله ربنا كرمها وبقت أحسن وقدرنا نعمل العيد ميلاد».

وتوجهت طليقة الفنان، بالشكر لوالدها، قائلة: «عايزة أشكر بابايا على اليوم الحلو ده وكل سنة بيفرحها وبيعملها حاجة أحسن من اللي قبلها، ربنا يخليك أنت أحسن أب في الدنيا».

جالها عيد الميلاد ومشفهاش لما تعبت

وأضافت ندى محمود: «عايزين نشكر النجم علي ربيع بابا مليكة علشان يحضر عيد الميلاد هو مجاش اليومين اللي فاتوا لما كانت تعبانة بس عايزين نشكره إنه جالها عيد الميلاد».

طليقة علي ربيع توضح حالة ابنتها الصحية

وكانت ندى محمود، نشرت عبر خاصية «استوري»، على تطبيق تبادل الصور والفيديوهات «انستجرام»، مقطع فيديو قصير لا يتجاوز مدته دقائق، من داخل المستشفى، لطفلتها وهي في حالة صحية غير جيدة.

وظهرت «مليكة» في مقطع فيديو آخر، لأول مرة بعدما تماثلت في الشفاء وهي تتحدث للجمهور، قائلة: «شكرًا ليكم يا أصدقائي إنكم سألتوا عليا ودعيتولي أخف، أنا روحت للدكتور وخدت دوا وبقيت كويسة».