رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

موضة وجمال

فتيات صعيديات عن مي عمر في «نسل الأغراب»: دي مش عيشتنا ولا ده لبسنا

كتب: غادة شعبان -

07:06 م | الأحد 25 أبريل 2021

مي عمر

تساؤلات كثيرة طرحها رواد مواقع التواصل الاجتماعي «فيسبوك»، وبخاصة الفتيات داخل البيئة الصعيدية، لصناع مسلسل«نسل الأغراب»، والذي يشارك ضمن السباق الرمضاني لعام2021، ببطولة أحمد السقا وأمير كرارة ومي عمر، بعد إطلالات الفنانة مي عمر والأزياء التي تظهر بها خلال العمل الدرامي بدور سيدة صعيدية.

تُطل الفنانة مي عمر، التي تقوم بدور«جليلة»، بملابس ضيقة وتصف معالم جسدها، فضلًا عن التكلف في وضع مساحيق التجميل وارتداء الذهب بشكل تراه بعض السيدات مبالغا فيه، إذ تعتبر إطلالتها على حد وصفهن بعيدة عن العادات والأصول التقليدية.

«يا جماعة هي الست في الصعيد بتبقى كدة فعلًا، لبس العبايات المجسمة بالشكل ده والدهب والميك أب، اللي من الصعيد يردوا عليا»، سؤال طرحته إحدى الفتيات في مجموعة مخصصة للسيدات على مواقع التواصل الاجتماعي«فيسبوك»، تنتقد من خلاله إطلالة مي عمر.

وتواصل «هُن» مع عدد من الفتيات من أهل الصعيد، واللاتي تحدثن عن إطلالات مي عمر في المسلسل، إذ قالت فتاة تدعى «نوارة محمد»، من محافظة سوهاج،:«ده لبس الغجر مش الصعايدة، احنا بنلبس عادي وبنقعد في بيوتنا زي العاديين مش زي ما هي لابسة كدة، ولا بنلبس كل الدهب ده، لو حطيت الميك أب ولبست ضيق مبطلعش من بره باب أوضتي بيه».

دنيا: «لبسنا عادي ومش شرط دهب»

«بتبقى عبلة كامل في دور فاطمة كشري»، بهذة العبارة عبرت دنيا محمود، صاحبة الـ33عامًا عن سخريتها من إطلالات مي عمر، خلال مسلسل«نسل الأغراب»، قائلةً: «أنا من قنا، معندناش طريقة اللبس دي، لبسنا عبارة عن عبايات بره البيت وفضفاض مش مجسم، ممكن تكون في فئة بتلبس كدة بس موصلتش للدرجة دي».

فيما قالت «رانيا مجدي»، من أسوان، متحدثةُ على الأزياء التي ترتديها السيدات:«العباية بتبقي واسعة ومش بيحطوا ميك أب هو كحل والدهب في وفي مش كلهم، هما جايبين الصعيد ده منين غير اللي إحنا عايشين فيه».

ميار عن إطلالات مي عمر: «ده لبس الغجر مش الصعيد»

استنكرت ميار محمود، من محافظة سوهاج، الإطلالات التي تظهر بها مي عمر، قائلةً:«مفيش الكلام ده ومفيش حاجة اسمها ميك أب خالص والستات على طبيعتها جدا والناس المرتاحة بس اللي يمكن الستات متحررين شوية، وهل أي بني أدمه طبيعية وقاعدة في البيت بتبقى محتاجة ميك أب كامل أكيد لا طبعًا، وبعدين ده لبس الغجر مش الصعيد».