قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، إن عقد امتحان مجمع لطلاب الصفين الأول والثاني الثانوي بالمدارس الرسمية والخاصة عبء وضغط وظلم كبير للطلاب.

وأضافت عبير، في بيان لها، أن وزارة التعليم قررت عقد امتحانين مجمعين في نهاية شهري أبريل ومايو بالمدرسة بلجان مؤمنة ومراقبة ويكون الامتحان ورقيا، موضحة: «طلاب الأول والثاني الثانوي ليسوا مثل طلاب الإعدادية والابتدائية حتى يتم امتحانهم في امتحان مجمع يضم عدة مواد بها كم كبير من المنهج، مناشدة الوزارة بإعادة النظر في القرار على أن يتم عقد امتحان منفصل لكل مادة على حدة مثلما حدث بامتحانات الفصل الدراسي الأول لرفع العبء والضغط على الطلاب وأولياء أمورهم».

وأشارت «عبير» إلى أن أولياء الأمور يتساءلون عن أسباب تراجع الوزارة عن عقد الامتحان على جهاز التابلت وقررت أن تكون الامتحانات ورقية، مطالبة الوزارة بتوضيح الأمر إلى أولياء الأمور.

وتفاعل العديد من أولياء الأمور على صفحة اتحاد أمهات مصر للنهوض بالتعليم، عبر فيس بوك، حيث قالت ولية أمر: «ازاى امتحانات مجمعة لطلاب ثانوي، دا ربنا يعلم بامتحاناتهم اللى مش بتتحل أصلا، امتحانات معقدة، ازاى يقدر يلم المواد دى فى الوقت القصير دا قمة الظلم ارحمونا وارحموهم».

وأضافت ولية أمر: «بصراحة مينفعش كده كل شوية قرار جديد، هما إعدادى ولا ابتدائي علشان يعمل امتحان مجمع، وعدد الأسئلة قليل لكل مادة والطالب لو معرفش يحل كويس كده المادة ضاعت منه لأن درجة الترم الأقل مش حاسبها وكأنه ممتحنش وذاكر وتعب».

وذكرت أخرى: «يعني الترم الأول كده يعتبر اتلغى والترم التاني هو اللي عليه كل الدرجة ومش كده وبس لأ ده مخلي العربي ورياضة 1 ورياضة 2 والعربي مع بعض وساعة ونص، ليه هو اللي داخل يحل الامتحانات ده أينشتاين؟».