كشفت منة عبدالعزيز، المعروفة إعلاميا بـ" فتاة التيك توك"، عن أنها تعرفت على المتهمين في واقعة اغتصابها والاعتداء عليها عبر إنستجرام والسوشيال ميديا.

وقالت "منة" لـ"الوطن": "عرفتهم من خلال إنستجرام والسوشيال ميديا، محمد كلاشينكوف بس هو اللي اتعرفت عليه من 3 سنين، واتعرفت على الباقي في الشتا اللي فات، ولما اتعرضت للاغتصاب والفيديو اتنشر، ورديت من خلال فيديو، وتم القبض عليا وقتها".

وعن علاقتها الآن، بمن تبقى منهم خارج السجن أوضحت: " قطعت علاقتي بأصحابي القدام اللي ودوني في داهية، مكنتش بحسهم، وكنت بضطر أعمل زيهم، ولما كلموني أول ماخرجت رديت عليهم بكلمة واحدة: مش هتبقوا أصحابي خلاص".

وأشارت إلى أنها تركتِ المدرسة قبل 4 سنوات من الآن، حينما كان عمرها 14 عاما، قائلة: "أكيد نفسي دلوقتي أكمل تعليمي، بس حاسة إني هبقى كبيرة وسط الأطفال، ممكن أكمل منازل، وأنا شاطرة جدا في القراءة والكتابة، وأنصح أي حد بيفكر يسيب بيته بإنه يستحمل".

وحول ما تعملته بعد ما مرت به من أحداث قالت: " اتعلمت الصح والغلط، وإزاي أتغير وأتعامل مع الناس، علموني حاجة مكنتش فهماها ولا أعرفها، أول مرة حد ينصحني كده، قعدت شهر ونص في مركز استضافة في الجيزة، واتنقلت لمركز استضافة تاني في القليوبية، بقولهم شكرا على اللي اتعلمته منكم، درس عمري ما هنساه".

وزيرة التضامن عن منة عبدالعزيز: عدت مرحلة الخطر.. ومحتاجة حب

وقبل أيام التقت وزيرة التضامن نيفين القباج، بمنة عبدالعزيز، وقالت إن الوزارة عملت على تأهيلها، لكن صورتها معها قوبلت بالاستياء والتنمر بدلًا من أن يشجعها الناس، وإن حديثها مع منة عبدالعزيز، شمل الحديث عن وضعها الأسري الحالي، موضحة: "منة كان بقالها 3 سنين بعيدة عن الجو الأسري وهي بتعاني منذ الصغر".

وأضافت: "منة محتاجة حب ودعم نفسي، ومبسوطة دلوقتي إنها بقت أكثر وعيًا وانتهت مرحلة الخطر من حياتها".