فجرت تغريد السيد أحمد مفاجأة عن زوجها الذي يعمل في أحد الفنادق الكبرى في قطر، واتهمها بـ الخيانة لمدة 11 عاما، وأقام ضدها قضية زنا وإنكار نسب، وذلك في فيديو "لايف" بث عبر موقع التواصل الاجتماعي "فيسبوك".

وقالت تغريد إن زوجها محمد الهادي اعترف لها بأنه تاجر في المخدرات لمدة 3 شهور، "رجعلي إجازة وعرف أن واحد صاحبه اترحل مع مراته وعياله، بسبب أنهم عرفوا أنه بيبيع مخدرات، ولما سألته وأنت مالك، قالي إنه كان بيسرق زجاج خمور، وحشيش وسجاير ويبيعها لحسابه".

وأكملت، "ساعتها قعدت أقوله بتأكل عيالك مال حرام بتدخله معدتهم، قال لأ أنا صرفته في هوالك، وجدد غرفة النوم والشقة، وكنت بفصل الفلوس الحلال عن الحرام، وفلوس الأكل كانت حلال، وبتقول إنك بتعرف ربنا، كل اللي بيحصلك ده من المال الحرام، وربنا لسه هيوريك".

وقالت تغريد، "بتقول إني بتاعة رجالة وصرفت فلوسك على الرجالة، هي اللي بتعرف راجل بتصرف عليه ولا بيصرف عليها، بتقول أنا سكت أهلي بالفلوس ده أنا بقعد بالسنة ونص بعباية وطرحة وشبشب مقطع وأهلك بيقابلوني في الشارع يقولولي إنتي عاملة كدة ليه، ما تجيبي عباية وأنا اللي كنت بحوشلك فلوسك الدولارات في أزايز تحت السرير عشان متغرب، وبعدين حطيناها في البنك باسمك، وأنت عملتلي توكيل كنت رحت سرقتك عشان الرجالة؟".

وأضافت، "بعت شرفك وعرضت ومراتك، أنت اللي هتكت عرضي وبعت عيالك على حياة عينك، مسيرنا نتقابل على السراط المستقيم، وفي الآخر هاخد حقي، ميشرفنيش يكون عيالي على اسمك بس هاخد حقي وحقهم منك". 

وكان رجل اتهم زوجته بالخيانة لمدة 11 عاما، وقال إنها كانت على علاقة غير شرعية برجل آخر، طوال 5 سنوات هي مدة عمله بالخارج، وذلك خلال حديثه لأحد البرامج التلفزيوينة.

وأضاف أن زوجته أنجبت إثر تلك العلاقة الأبناء المنسوبين إليه، وأجرى لهم تحليل DNA أثبت عدم أبوته لطفلين من 3 أبناء، وحكم على الزوجة بالسجن لمدة 3 سنوات بعد اتهامها بالزنا، وإنكار النسب.