نشرت الفنانة شيرين عبدالوهاب، مقطع فيديو لطفل ينهار من البكاء، بسبب جلوسه فترة طويلة داخل المنزل وعدم خروجه للتنزه بسبب الإجراءات الاحترازية المتبعة لمجابهة فيروس كورونا المستجد.

وظهر الطفل، في الفيديو يتحدث مع والدته، ويقول لها باكيًا: "طول عمرنا مش هنفضل في البيت كده نتفرج على التليفزيون عاوزين ننزل، مش نفضل قاعدين كده إحنا زهقانين، مش هنفضل طول عمرنا كده، فيه ناس صغيرة بتنزل".

حبيب قلبي ربنا يحفظك لأهلك والدنيا ترجع زي الأول وأحسن قريب إن شاء الله، وأوعدك إن شاء الله نخرج أنا وإنت نتفسح ♥️ pic.twitter.com/C0CTP39A43

— Sherine Abdel-Wahab (@sherine) June 13, 2020

وأضاف الطفل، بعفوية: "صحاب ياسين بينزلوا، أنا شوفت صحاب ياسين بينزلوا يا ماما، فيه زهق، فيه كتير يتفسحوا بالعربية ويمشوا ويتمشوا، بيعملوا أي حاجة، لازم ننزل نتمشى ونعمل رياضة مش هنفضل كده".

فيما علقت شيرين عبدالوهاب على الفيديو: "حبيب قلبي ربنا يحفظك لأهلك والدنيا ترجع زي الأول وأحسن قريب إن شاء الله، وأوعدك إن شاء الله نخرج أنا وإنت نتفسح".