رئيس التحرير:

محمود مسلم

رئيس التحرير

محمود مسلم

علاقات و مجتمع

بعد التنمر بها.. شقيقة محمد رمضان متعجبة: الناس اتغيرت ولا إيه اللي حصل لنا؟

كتب: أحمد حامد دياب -

11:46 ص | الثلاثاء 09 يونيو 2020

إيمان رمضان وشقيقها

علقت إيمان رمضان شقيقة الفنان محمد رمضان، على التنمر الذي حدث بصورة زفافها، خلال الفترة الماضية.

وقالت خلال مداخلة هاتفية مع الإعلامية إيمان الحصري، في برنامج "مساء dmc"، المذاع عبر فضائية "dmc"، إنها لم تكن تتابع ما يتم نشره عنها على وسائل التواصل الاجتماعي: "متابعتش، وجالي أخبار كتير، إن فيه كلام وحش وكلام حلو، وأول مرة أرد، أنا مش شايفة غير نعم ربنا علينا، الناس تفعل ما تفعل، وطول مانتي في طريقة شايفة هدفك وطريقك".

وأضافت: "أنا كأيمان مشوفتش، أو أنا مركزة في هدفي"، مثنية على زوجها: "الزوج يبقى عليه جزء كبير في الجزئية دي وجوزها اللي شايفها حلوة".

وأبدت استغرابها بسبب ما تعرضت له: "المصريين الذوق كله والمصريين الكلمة الطيبة، وده دينا وإسلامنا، وأكيد فيه حاجة غلط، ده دينا فلتقل خيرًا او لتصمت وقبل ما تكتب بوست أفكر أكتب أيه".

وأوضحت "رمضان"، أن زوجها لم يتحدث عن هذا الأمر مطلقًا: "متذكرتش في بيتي والطرف الآخر وشريك حياتك ياما يزود همك ياما ولا كانه شايفه وكل اللي حصل خير".

وتابعت: "بشكر كل الناس اللي كتبت كلام طيب وفيه نجوم كتير كتبوا عمرو مصطفى ومحمد رحيم وبسمة وهبة وربنا يكتر الناس الحلوة".

وأشارت إلى أنها تعمل في مجال بيع العسل، ولديها ماركة خاصة بها: "شغالة ومش فاضية لمتابعة الكلام ده"، مقدمة الشكر لكل أصحاب القلوب الطيبة مضيفة: "هو ده دينا واخلاقنا وعادتنا واتربينا على كده وانا مستغربة الناس اتغيرت ولا ايه اللي حصل؟".

وعن كواليس إجراء حفل الزفاف، رغم منع التجمعات، قالت رمضان، إن الحضور كانوا العائلتين فقط، وإنهم اضطروا لإقامة حفل الزفاف، بسبب تأجيله أكثر من مرة: "العيلتين بس اللي اتعزموا، ومفيهومش حد بيكح أو سخن، إحنا بنحترم القوانين، وأحنا أجلنا الفرح أكتر من مرة، لأسباب كتير، وعملناها في أضيق النطاق".