رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

سامح حسين يحذر السيدات من الشك: الأسئلة دي بتضايق الراجل

كتب: بسمة عبدالستار -

08:32 م | الإثنين 01 يونيو 2020

الفنان سامح حسين

قال الفنان سامح حسين، إن هناك العديد من الأسئلة التي تطرحها السيدات على أزواجهن وتتسبب في مضايقتهم وإزعاجهم، منها "انت رايح فين، وليه اتأخرت، وانت هتاكل إيه النهاردة؟".

وأضاف حسين، خلال حواره مع الفنانة هيدي كرم، في برنامج "راجل و 2 ستات"، المذاع على فضائية ON، أن "الشك هو اللي بيدمر الدنيا، واللي بيحصل إن طالما في شك من قبل الزوجة، فالراجل بيقول خلاص هبقي كداب".

وتابع، أن "الشك يعطي الرجل فرصة إنه يتمادى، ويقول مانا ماشي كويس ومراتي بتشك فيا فبيبقي خلاص غلط بغلط بقي"، ونصح السيدات "خلوا بالكم من الشك، وإن السؤال ميوديش لسؤال تاني".

واستكمل، "الستات اللي مبيشتغلوش بنبقى احنا شغلتهم، ولازم يفهموا إنهم كل حياتنا، وربنا يخليكم لينا، وأن احنا في أيام الحظر كلنا متجمعين في ركن كده مش عارفين نعمل حاجة".

وردًا على سؤال "الست ممكن يبقي لها درج خاص بها وهيا بس اللي معاها مفتاحه"، أجاب: "الدولاب كله بيبقي ليها ده انتو جبروت، والصراحة عمري ما فكرت أفتش في شنطة مراتي، لأن هيبقي في مشاكل، وأنا مع أن الست يبقي ليها حاجاتها الخاصة".