تحدث الفنان أحمد صلاح حسني عن قصة حب الأمير هاري وزوجته ميجان ماركل، وأنها كانت متزوجة وممثلة وهذا لا يتماشى مع القصر الملكي في إنجلترا، لكنها تزوجا وأنجبا وتخليا عن وجودهما في هذا الهيكل والقصر الملكي وذهب للعيش فترة في كندا وأمريكا وترك إنجلترا وتركيز الجميع معهم من خلال نظراته واهتمامه بها، لكن ما لفت الأنظار أكثر هو حبه لهواية الصيد ولديه الكثير من أدوات الصيد التي أنفق عليها الكثير من الأموال من خلال تجميعها من حول العالم، لكن طلبت منه التخلي عن هذه الهواية الملكية والعجيب أنه استجاب لهذا الطلب.

وقال حسني في لقائه مع الفنانة هيدي كرم، مقدمة برنامج "راجل و2 ستات"، المذاع على فضائية ON: "هاري ساب الملكية.. مش هيسيب البندقية والصيد؟، وده معناه أن الراجل لما بيحب بيعمل أي حاجة وبيبقي زي البيبي الصغير وزي الغويشة اللي في أيدك دي كل ما تيجي تقلعيها هو بيبقي ماسك فيها، وأن الفكرة في مقولة أنه مبقاش زي الأول والكلمة دي بتبقى محطوطة على ميزان كده ما بين الراجل والست ونشوف هو مبقاش زي الأول ليه وأنتي اتغيرتي في ايه والعكس".

وتابع، أن "اللي يخلي الأمير يسمع كلام زوجته كده أنها بسيطة في التعامل معاه وأكيد صحاب لدرجة أنه تخليه يسيب القصر والملكية ويبقي معاها والراجل ده مثال كبير جداً على فكرة لأنه في يوم من الأيام كان ممكن يبقى ملك إنجلترا وتنازل عن كل ده".

واستكمل، "أنت عمرك ما هتعرف تحب غيرك غير لما تحب نفسك، وليفيل الحب ده هتلاقي البني آدم اللي بيحب نفسه وواخد باله من نفسه وبيدور على النجاح وعنده هدف في حياته هتلاقيه بيحب مراته واللي حواليه جداً وبيبقي انعكاس ودافع ليه رهيب جدا، فالراجل اللي تقولي عليه بارد وبيعامل مراته ببرود ومش كويس هتلاقيه أصلا مبيحبش نفسه ولا واخد باله من نفسه".