علق الفنان أحمد صلاح حسني، على سؤال طرحته عليه الفنانة هيدي كرم، مقدمة برنامج "راجل و 2 ستات"، المذاع على فضائية ON، عن رأيه في رد فعل سيدة قامت بتقطيع ملابس زوجها ووضع شامبو له لإزالة شعره وتكسير كافة ساعاته الغالية ووضع لحمة في جزمه وإدخالها في الميكروويف بسبب علمها بخيانته لها.

وقال حسني، إن "رد الفعل بتاعك طول ما هو بسيط كل ما هيوجع الطرف الآخر أكتر، أصل في الآخر أنت مش هتستفيد حاجة لأن أنت طلعت شوية طاقة وممكن تكون أذيت نفسك، لكن أصعب حاجة أنها تفتح الباب وتمشي وتسيبله البيت، وأصعب رد فعل ليا كراجل اللي هو بيبقي غير متوقع، لأن المتوقع أنها تكسر البيت وتعمل كل حاجة والراجل غلطان، لكن رد الفعل اللي فعلا يوجع أي راجل أو أي ست هو أن أسيب البيت وأمشي".

وعن سؤاله هل يتصرف بنفس الطريقة وأنه يسيب البيت ويمشي، أجاب: "خليني أقول إن الموضوع تطور معايا يعني وأنا في سن العشرينات كنت دامي حامي أكتر كان الموضوع ليه علاقة بطاقتك، لكن دلوقتي لو حليت كل مشكلة بهدوء لأنه هو اللي بيخليني أخد القرار الصح"، لكن لو رد فعل الست لما جوزها يخونها أنها تسمه أو تموته هي استفادت إيه غير أنها اتسجنت أو حطت نفسها في موقف قدام عيالها والناس أنها مجنونة وهيا مش كده لأنها بتبقى مغلولة، وده بيبقي رد فعل خطر جداً ودايما بقول إن لو البني آدم على حق واتوجع في الأول ربنا بيجيبله حقه في الآخر".

وتابع، أن "الدنيا بتعلم الناس لأني كنت عصبي جداً لكن الواحد بيدرب نفسه على الهدوء، ولما بتطلع الطاقة بتاعتك في رياضة أو حاجة بتحبها بتعرف تسيطر على نفسك أكتر، لكن مبلومش أي حد على رد فعله لكن بالنسبة لي أن متوصلش نفسك لحاجة تأذي نفسك"، مشيراً إلى أن "رد فعل الست اللي صورت الفيديو وهي بتعمل كده في حاجة جوزها مستحيل يبقي من موقف واحد وتعمل كده لكن ده كله تراكمات، ولكن في الأول لازم يكون الزوج والزوجة أصحاب علشان المشاكل اللي احنا بنعديها لبعض متعملش تراكمات ويبقي رد الفعل زي الست دي".