قالت الفنانة هاجر الشرنوبي، إن التعاسة هي التي من الممكن أن تعطل المرأة عن تحقيق أحلامها وليس الرجل "الست لو معاها راجل بيحبها وبيدعمها ويشجعها على كل حاجة بتعملها هتنجح، وفي ناس كتير في الوسط ممثلين وناجحين وبيبدعوا أكتر في حياتهم من ما كانوا سينجل".

وأضافت الشرنوبي، خلال حوارها مع الإعلاميات منى عبدالغني، مفيدة شيحة، وسهير جودة، في برنامج "الستات ميعرفوش يكدبوا"، المذاع على فضائية Dmc، أن "ممكن أحب تاني لأن الحياة لسه مخلصتش ولسه في حياة وفرصة تانية ودنيا هتتعاش وحاجات حلوة وأكيد هيبقى في أيام حلوة".

وتابعت "اللي في قلبك قوليه وخليكي تلقائية واللي في قلبك على لسانك وكل اللي تحسي بيه سواء حلو أو وحش لازم تقوليه وبالذات كمان قبل الجواز علشان هي دي الشخصية اللي لازم تبقى ظاهرة وهو يعيش مع الشخصية اللي ظهرت دي بقية الحياة، ويجب أن يكون في لغة الحوار لاستمرار الحياة الزوجية".

واستكملت، "مينفعش في فترة الخطوبة أبين أحسن حاجة عندي وبعد الزواج أتحول، وعن أنها في حال تزوجت وخيرها بين الشغل أو البيت قائلة: "أنا بكره الاختيار ولو كان ما بينك وبين الكوباية فساعتها أنا هختار الكوباية لأن أنت من البداية عارفني كده لكن متخيرنيش لأني عندي شخصية ومن حقي أنجح".