عايدت السيناريست ومصممة الأزياء إنجي علاء، وزوجة الفنان يوسف الشريف، عبر حسابها الرسمي على موقع التواصل الاجتماعي"فيسبوك"، الزعيم عادل إمام، بمناسبة عيد ميلاده الـ80.

وكشفت إنجي عن موقف جمعها بالزعيم، قائلةً: "مرة منتجة اديتني ميعاد في استديو تصوير، المهم وصلت ودخلت استناها في غرفة استراحة واتأخرت عليا شوية وببص لقيت الزعيم عادل إمام داخل الأوضة ومعاه مساعد إخراج بيراجع معاه مشهد، أنا طبعا ماصدقتش نفسي لما شفته".

"في الحقيقة له هيبة فظيعة"، بهذه العبارة وصفت السيناريست رد فعلها فور رؤيتها للزعيم للمرة الأولى، مضيفة:" لما خلص بصلي قالي "انتي مين"، فقلت له "أنا مؤلفة وعندي ميعاد هنا بخصوص مسلسل هكتبه، قولت مثلا هيقولي بالتوفيق ويمشي وهبقى أكيد فرحانة أوي وكفاية إني قابلته".

وأشارت إنجي حديثها عن الفنان عادل إمام، قائلة: "لقيته اهتم جدًا، وبدأ يكلمني عن فن كتابة السيناريو بتفاصيله ورشحلي كتاب أقراه، وقالي إنه هيفرق معايا وحكالي قصته مع الكتاب ده، وفضل يكلمني في أمور فنية كتيرة وانا لسة مش مصدقة نفسي".

 وتابعت،"انا خرجت مبسوطة اوي يومها بالرغم من ان المسلسل اللي رحت عشان اتفق عليه ماتعملش وقتها، بس الحوار الفني الدرامي اللي دار فضل معلق معايا".

وأردفت قائلة:"مجرد إن نجم كبير بالتاريخ الفني العظيم ده يديني نصايح في شغلي هي حاجة كبيرة اوي بالنسبالي، وهفضل فاكرة كلمة كلمة من الحوار ده طول عمري حقيقي رب صدفة خير من ألف ميعاد".

وأختتمت قائلةً:"كل سنة وانت طيب يا زعيم ويارب دايمًا ناجح وفي أحسن صحة وحال".