ردت الفنانة عايدة رياض، على سؤال المخرجة إيناس الدغيدي، والتي قالت لها "بيقولوا عنك ملكيش عزيز ومش بتدمعي على حد"، فردت قائلة: "ده أنا دموعي من كتر ما بكيت نشفت"، وذلك خلال حوارها في برنامج "شيخ الحارة والجريئة"، الذي يُعرض على شاشة "القاهرة والناس".

وأضافت "رياض": "أنا لما ببكي مش دموعي اللي بتنزل، أنا قلبي اللي بيبكي، عندي حزن داخلي كبير أوي جوايا، عندي حزن في حاجات كتير، لما أسترجع حياتي بشوف فيها الحزن أكتر من الضحك، اتعلمت من الحياة أن كل حاجة بتجيلك أنتي تفتكريها وحشة تطلع حلوة وتفيدك، مفيش حد يقدر يشيل حاجة من أقداره".

وتابعت: "كنت نفسي أخلف طبعا، محصلش نصيب في الإنجاب أثناء زواجي من محرم فؤاد، رغم أنه أنجب من زوجته الأولى ابنه طارق وكان عايش معانا".