مجموعة طلبة في الجامعة البريطانية بقسم التسويق قرروا الاختلاف عن زملائهم في فكرة مشروع يساعد على الحد من ارتفاع معدلات الطلاق في المجتمع بعنوان "قبل البداية".

"دنيا هانى، نيبال صالح، لوجين سامى، عبد الرحمن علي، علا خالد، ندى الخطيب"، مجموعة شباب قرروا التفكير في فكرة يسعون من خلالها إلى تقليل نسب الطلاق في المجتمع المصرى عن طريق الاستشارات ما قبل الزواج.

تقول دنيا هاني إحدى أعضاء المبادرة، "الفكرة لسه جديدة إن يكون في استشارات ما قبل الزواج لأن دايماً بيحصل الاستشارات بعد الزواج، إحنا عاملين تعاون مع مركز Heal Counseling Center للاستشارات النفسية وكارت انطلقي اللى بيوفر للست خدمات خاصة بيها" وفق حديثها لـ "هُن".

كانت صفحة "قبل البداية" وسيلة فريق المبادرة التي ساعدت على نشر الحملة على نطاق واسع، "هدفنا إننا نوصل الفكرة على نطاق واسع لأن للأسف طبقًا لإحصائيات الجهاز المركزي للتعبئة العامة والإحصاء، كل أربع دقايق بيكون فيه حالة طلاق جديدة في مصر، للأسف زيادة نسب الطلاق في الفترة الأخيرة كان مصحوب بتدهور في الصحة النفسية لكتير من المصريين، وأحيانا فعلًا الطلاق بيكون هو الحل المنطقي الوحيد بعد ثبوت فشل العلاقة، علشان كده الحل كان في استشارات ما قبل الزواج".