رئيس التحرير:

محمود مسلم

رئيس التحرير

محمود مسلم

علاقات و مجتمع

آيتن عامر عن شخصيتها في مسلسل "فرصة تانية": مثيرة للشفقة وبتصعب عليا

كتب: آية أشرف -

11:27 ص | الإثنين 04 مايو 2020

مشهد من مسلسل فرصة تانية

علقت الفنانة آيتن عامر، على شخصية "ريهام" التي تقوم بدورها في مسلسل "فرصة تانية". 

وشاركت الفنانة، صورة من أحد مشاهد العمل، عبر حسابها الشخصي على تطبيق تبادل الصور والفيديوهات إنستجرام، مُعلقة: "صدقوني، بعيدًا عن الهزار، شخصية ريهام، واللي زيها مثيرة للشفقة بجد، وزياد قهرها وكسرها، لأنه ببساطة كان بيحاول ينسى ملك بيها، وهي اللي اتاخدت في الرجلين، ده غير إنها متعلقة بزياد تعلق مرضي خلاها مش شايفة ولا قادرة تتخيل حياتها من غيره، وده خلاها عندها حالة إنكار فظيعة لرفض زياد وجودها في حياته".

وسرعان ما تفاعل المتابعون مع المنشور، وخاصة الجنس الناعم، وجاءت التعليقات: "بس ريهام غنية وحلوة مينفعش تهين نفسها بالشكل الجارح ده وكرامتها كمان"، "لا هي شخصية حلوة وبتحافظ على حبها بس صعبانة عليا البهدلة اللي عملاها في نفسها"، و"بس يا ستي ارحمي نفسك".

وتجسد "آيتن" دور فتاة تحب بجنون، حتى أنها تدهس كبرياءها وتظل تلاحق الفنان أحمد مجدي "زياد" بكل مكان رغم رفضه لها.

وتشارك "عامر" في مسلسل "فرصة تانية" مع ياسمين صبري وأحمد مجدي.