مازحت الإعلامية رضوى الشربيني، الفنانة آيتن عامر، بسبب مشاركتها في مسلسل "فرصة تانية"، مع الفنانة ياسمين صبري، والفنان أحمد مجدي.

الإعلامية رضوى الشربيني، لم يعجبها ما قامت به الشخصية التي جسدتها الفنانة آيتن عامر "ريهام"، والتي تسببت في انفصال أحمد مجدي وياسمين صبري، بعدما ارتبطت بالأول، وعندما تزوجها وطلقها، حاولت العودة إليه مرة أخرى.

وقالت "الشربيني"، في مقطع فيديو شاركته، عبر حسابها على موقع الصور انستجرام، تعليقًا على محاولتها الانتحار، بسبب رفض أحمد مجدي الرجوع لها: "إيه يا آيتن يا حبيبتي بتعملي إيه؟ عمالة تنتحري وتعيطي وتقومي وتعيطي، أنا مش فاهمة انتو بتعملوا إيه في بناتنا".

وأضافت: "السنة اللي فاتت كنت بقول لدينا الشربيني سيبي البنطلون، دلوقتي بنقول لآيتن، إنه حولك لبنطلون يلبسه ويقلعه وقت ما هو عاوز".

وتابعت: "انتي معاكي 25 حلقة، تخلصي على الواد ده وتجيبيه في شوال، سيبك إنه مسبسب، هو من بره هالله هالله ومن جوه يعلم الله، ده فاضي ده مش معانا خالص".

وأردفت: "لازم تجيبي حقك وحق البنات، وتعرفي إن البنات إن في حاجة اسمها كرامة، بتطفحينا كلام إن الحب مفيهوش كرامة وكده".