أعربت الفنانة فريدة سيف النصر، عن غضبها الشديد بسبب ما تضمنه سؤال المخرجة إيناس الدغيدي، حول أن نجل فريدة لا يتشرف بعمل والدته الفني، وردت: "اللي حط السؤال ده مش كويس.. أنا لا عندي حاجة دعارة ولا فيه شائعات خرجت عليا ولا بتاعة رجالة، أنا ست بتاعة ربنا والدنيا كلها عارفة كده"، موضحة أن نجلها حتى وإن شاهد أحد الأدوار لها يتضمن إغراء فهو يعلم تمام العلم بأنه تمثيل فقط.

وطالبت "سيف النصر"، خلال حوارها في برنامج "شيخ الحارة والجريئة"، الذي يُعرض على شاشة "القاهرة والناس"، بالبحث في الإنترنت عن حفل زفاف نجلها، " كلنا كنا موجودين، وكل الفنانين منهم محمود عبد العزيز وإلهام شاهين ودلال عبد العزيز وبوسي، ابني يتشرف بكل أعمالي والكلام ده اللي عمله مش كويس".

وعن ارتدائها الحجاب، أكدت أن إقبالها على هذا الأمر يرجع إلى مرورها بظروف نفسية صعبة للغاية عقب وفاة شقيقها الأصغر ولم يكن يتخطى عمره الـ 21 سنة "حسيت إني أخذت قلم وخبطة كبيرة، بس قلعته بقى عشان الخنقة بتاعة الناس، ولاقيت ناس كتير بتتدخل في حياتي، ناس تحود عليا تقولي يلا نروح نصلي في المكان ده، أقولهم أنا عاوزة أخليني في البيت شوية يقولوا لا، الشاه البعيد عن القطيع يأكلها الذئب، وحاجات من دي لحد ما اتخنقت".