كتب: آية أشرف -
11:12 ص | الثلاثاء 21 أبريل 2020
شاركت الفنانة داليا البحيري، متابعيها عبر خاصية "الاستوري" عبر حسابها الرسمي على موقع تبادل الصور والفيديوهات "إنستجرام"، بلقطات من احتفالها بيوم شم النسيم.
وظهرت الفنانة خلال اللقطات وهي تحتفل بملابس كاجوال بصحبة ابنتها الوحيدة "قسمت"، ثم شاركت بلقطات مصورة وهي تقدم وصلة رقص على أغنية السندريلا "الدنيا ربيع" مُعلقة "مبعرفش أرقص".
وكانت الفنانة تعرضت لانتقادات عِدة خلال الفترة الأخيرة، بسبب حديثها عن الحجر المنزلي وأزمة التكدس، حيث دوّنت داليا عبر صفحتها الشخصية على فيس بوك، قائلة: "مبقاش أنا محبوسة في البيت أنا وأهلي داخلين على 36 يوما، وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي إحنا فيه".
وتابعت: "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا، أولا معظم المؤسسات الخيرية وبقول معظم مش كل، بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة، خلينا صادقين مع نفسنا شوية كده والنبي، واللي بيشتغلوا في مصانع على عيني وراسي يتعملهم إقامة داخل محل عملهم، غير كدة إحنا رايحين في داهية".
ووصلت داليا هجومها قائلة: "لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس".
