رئيس التحرير:

محمود مسلم

رئيس التحرير

محمود مسلم

علاقات و مجتمع

بالفيديو.. دعاء فاروق ترد على منتقديها: بحب بلدي اللي عايشة في خيرها

كتب: روان مسعد -

10:06 م | الثلاثاء 07 أبريل 2020

الإعلامية دعاء فاروق

نشرت الإعلامية دعاء فاروق فيديو لعلم مصر مرتفعا في السماء، مع خلفية أغنية "نعيش لمصر ونموت لمصر" بصوت الفنان حسين الجسمي، عبر صفحتها الشخصية على موقع تبادل الصور والفيديوهات إنستجرام.

بتلك الطريقة قررت دعاء فاروق أن ترد على منتقديها بـ"التطبيل لمصر"، وكتبت في تعليق مطول على هذا الفيديو: "ايه اللي يضايقك لو واحدة شافت أمها أحسن أم في الدنيا؟ إيه اللي يضايقك لو حد شاف بلده أحسن بلد في العالم؟، إيه اللي يخلي ناس تتشنج وتحاول نثبتلك بكل الطرق إن أمك وحشة وتخينة وبلدي مثلا؟ انتو مالكوا امي وعاجباني بكل ما فيها".

وقالت: "إيه التعصب والتشنج وكل المحاولات البائسة لإقناعي إني بطبل لبلدي.. مش محتاجين على فكرة خالص تعملوا كل المجهود ده.. أنا بطبل وبرقص وبهلل من غير ما حد يتعب نفسه خالص".

View this post on Instagram

ايه اللي يضايقك لو واحدة شافت امها احسن ام في الدنيا ؟ ايه اللي يضايقك لو حد شاف بلده احسن بلد في العالم ؟ ايه اللي يخلي ناس تتشنج وتحاول نثبت لك بكل الطرق ان امك وحشه وتخينة وبلدى مثلا .. ؟؟ انتو مالكوا امي وعاجباني بكل ما فيها ... ايه التعصب والتشنج وكل المحاولات البائسة لاقناعي اني بطبل لبلدى...مش محتاجين علي فكرة خالص تعملوا كل المجهود ده ... انا بطبل وبرقص وبهلل من غير ما حد يتعب نفسه خالص ... انا بدافع عن القناة اللي بشتغل فيها طول الوقت ... وبدافع عن صاحبتي التنكة وبقول دى طيبة ومتواضعة ... وبدافع عن زميلي في الشغل اللي بيغلط وبقول مكانش قصده وبدافع عن ابني وهو شقي ومغلبني وبقول مفيش أحن منه .... هاجي علي مصر وانهش فيها وانا عايشة في خيرها ؟؟؟؟ يا لهوي... ده انا عايشة في خيرها عمري كله وعمري ما كنت غنية قبل ما اشتغل كنا في بيت متوسط عادي خالص وناس عايشين بيزقوا في ظروف الدنيا ويوفروا ويدبأوا زى اي حد ... واشتغلت واتجوزت راجل محترم وربنا كرمني في شغلي ب مجهودى ... مبسوطة في بلدى وبحبها وبقول عليها احسن بلد في الدنيا وكل ما كنت اسافر والف الدنيا وانا في قلب الفسحة وانا في قلب السفرية وانا في قلب بلاد بره الواسعة... أقول عمار يا مصر ... دماغي كده يا اخي ... دماغي كده يا اختي ... بحبها بكل ما فيها وبحب ناسها وبحترم كل الشرفاء اللي بيشتغلوا فيها من أقل راس وطالع .... لا مجال للتشنجات ولا مجال للدخول في محاولات بائسة لاقناعي باي حاجة مش هقتنع بيها ... لا تعايرني ولا اعايرك الهم طايلني وطايلك محدش يطلع في مصر القطط الفاطسة عشان هناك اللي فيهم مكفيهم وبنحمد ربنا علي نعمة بلدنا ... باااس كده

A post shared by Doaa Farouk (@doaafarouk) on

وأوضحت وجهة نظرها قائلة: "أنا بدافع عن القناة اللي بشتغل فيها طول الوقت، وبدافع عن صاحبتي التنكة وبقول دي طيبة ومتواضعة، وبدافع عن زميلي في الشغل اللي بيغلط وبقول مكانش قصده وبدافع عن ابني وهو شقي ومغلبني وبقول مفيش أحن منه، هاجي علي مصر وانهش فيها وأنا عايشة في خيرها؟ يا لهوي.. ده أنا عايشة في خيرها عمري كله وعمري ما كنت غنية قبل ما اشتغل كنا في بيت متوسط عادي خالص وناس عايشين بيزقوا في ظروف الدنيا ويوفروا ويدبأوا (يدخروا) زى أي حد.. واشتغلت وتجوزت راجل محترم وربنا كرمني في شغلي بمجهودي.. مبسوطة في بلدي وبحبها وبقول عليها أحسن بلد في الدنيا وكل ما كنت أسافر وألف الدنيا وأنا في قلب الفسحة وانا في قلب السفرية وأنا في قلب بلاد بره الواسعة.. أقول عمار يا مصر".

واختتمت رسالتها لمنتقديها قائلة: "دماغي كده يا أخي دماغي كده يا أختي، بحبها بكل ما فيها وبحب ناسها وبحترم كل الشرفاء اللي بيشتغلوا فيها من أقل راس وطالع، لا مجال للتشنجات ولا مجال للدخول في محاولات بائسة لإقناعي بأي حاجة مش هقتنع بيها، لا تعايرني ولا أعايرك الهم طايلني وطايلك، محدش يطلع في مصر القطط الفاطسة عشان هناك لي فيهم مكفيهم وبنحمد ربنا على نعمة بلدنا بس كده".