قالت الإعلامية رضوى الشربيني، إنها أخذت قرارًا بعدم الحديث أو الرد عن تساؤلات جمهورها من السيدات المتزوجات، مؤكدة: "أنا وصلت للقرار ده، وعاوزاكم تؤيدوني فيه، بعد الاستخارة والتفكير العميق، فقرة اسال رضوى مش هتناقش أي قصة ليها علاقة بأي ست متجوزة، لو قبل الزواج ماشي".

وأضافت "الشربيني"، خلال برنامجها "هي وبس"، الذي يُعرض على شاشة "CBC": "أنا بفكر في الموضوع ده من يوم الجمعة اللي فات، أنا قلت على مدار برنامجي لثلاث سيدات فقط ابعدوا عن أزواجكن، الحالة الأولى كان واحد بيعرف زوجته على أصدقائه، وهو موضوع غريب شوية، والحالة الثانية واحدة متزوجة من 15 سنة، وزوجها طردها من البيت وقاعدة عند والدتها من 4 سنين وبخيل، والحالة الثالثة مش هقدر أقولها".

وتابعت: "بعد تفكير طويل، قررت أنكم لازم تبعدوني عن حياتكم الزوجية، جميع الأديان السماوية كرمت المرأة، ولها مكانتها، تحس على فكرة الود والرحمة والمحبة، وأن الرجل لازم يعامل الزوجة بود واحترام، لا أقبل إنك تتخاني أو تتهاني أو تنضربي، أي حاجة ليها علاقة بالزواج، مليش دعوة بيها".