تلقى الإعلامي عمرو أديب اتصالا طريفا من متصلة تدعى "رانيا" من محافظة الشرقية خلال فقرة "قاضي الغرام"، بحضور الفنانة رجاء الجداوي، في حلقة الاثنين من برنامج "الحكاية" المذاع عبر فضائية "mbc مصر".

وقالت رانيا، "أنا بحاول أكلمك قول مثلا بقالي 15 سنة أو 16 سنة يعني طريق طويل جدا وأنا بحبك جدا جدا جدا وأنت من أكتر الإعلاميين اللي ممكن أكون بحبهم في حياتي، ومتابعاك من وأنا في أولى إعدادي وكنت في أوربت".

وأضافت ساخرة، "شفتك وأنت بشعر كستنائي بقُصة، أنا معنديش أي مشكلة بس كان نفسي أكلمك من زمان وأقولك إني بحبك جدا".

وسألها أديب عن حالتها الاجتماعية فردت أنها عزباء وتبلغ من العمر 27 عاما، مضيفة، "أنا عايزة أتجوز واحد غني وثري عربي وأقل من كده مش عايزة، لأن المفروض الواحدة لما تتجوز واحد يصرف عليها مش هي اللي تصرف عليه وربنا اللي قال كده".