أخبار من الوطن نيوز

كتب: محمود البدوي -

03:05 ص | الثلاثاء 29 أكتوبر 2019

إيمي سمير غانم

كشفت الفنانة إيمي سمير غانم، طريقة تصرفها أثناء حدوث خلاف بينها وبين زوجها الفنان حسن الرداد.

وقالت، خلال حورها في برنامج "صاحبة السعادة"، الذي يُعرض على شاشة "dmc"، مع الإعلامية إسعاد يونس، "مش بعمل حاجة أقسم بالله ده في الجيم على طول والجيم واكل وقته أعمل معاه إيه طيب، الحاجة اللذيذة إننا لما بنشد مع بعض بنقلبها ضحك، بكون بتكلم عادي كده يقوم هو ضاحك، أو ممكن أتلغبط في كلمة وأنا بقولها بنرفزة فهو يقعد يضحك".

وتابعت، "أحيانا وأنا بتكلم بنرفزة لو فيه أي مشكلة أقوم متكلمة باللغة العربية الفُصحى، زي ما مثلا قولتلة مره (اللهم بلغت.. اللهم فشلت)، طبعا هي اللهم فاشهد بس أنا اتلغبط فيها فقلبنا الموضوع ضحك".

فيما كشفت الفنانة دُنيا سمير غانم، عن طريقة تصرفها أثناء حدوث خلاف بينها وبين زوجها الإعلامي رامي رضوان، وذلك خلال حورها في برنامج "صاحبة السعادة"، الذي يُعرض على شاشة "dmc"، مع الإعلامية إسعاد يونس.

وقالت "غانم"، "كنت قافشه مع رامي جوزي من فترة مش بعيدة، وكنت زعلانة بجد ومش بكلمه، بس أنا طبيعتي مش بعرف أقفش كتير أو مدة طويلة، فكان قدامي حل من اثنين، إما أتكلم وأقول اللي جوايا وده بقى هيفتح الموضوع تاني وهنشد في الكلام تاني وأنا مش عاوزه ده، والحل التاني أني اتصرف تصرف عبيط".

 

أخبار قد تعجبك