يبدو أن مشهد الفنانة شيرين عبد الوهاب، مع زوجها حسام حبيب حفلها الأخير، والتي قبلت فيه يد "حبيب" أمام الجماهير، دفع الفنانة السورية سارة نخلة، للحديث عن أدق تفاصيل زواجها "غير الموفق" من أحمد عبد الله، وذلك على الرغم من انفصالهما منذ عدة أشهر، بعدما استقبلت النيابات ومحكمة الأسرة قصتهما. 

ونشرت "سارة" عبر حسابها الشخصي على "الإنستجرام" مقطع من حفلة شيرين، عبر حسابها على "الإنستجرام"، مُعلقة: " للناس القريبة مني والعارفيني أكيد عارفين إني مش بحور، ومش معنى إني بنصح البنات تبقى قوية يعني إني بنت مفترية خالص بس أنا اتلسعت من الشوربة فبقيت انفخ في الزبادي".

وعن موقف شيرين وحبيب، قالت: "تعقيبا على الصورة دي، و عشان أنا عندي كمية تصالح مع النفس أكتر مما تتوقعوا، لأني اتربيت على كدا واتربيت إن راجل البيت يعني الحنية والاحتواء، فأنا شايفة إن شيرين ست الستات و بنت ناس ومحترمة جدا، والراجل الحنين ابن الأصول رجليه تتباس مش بس ايده وقدام الناس كلها".

وتابعت: "العلاقة بين الزوجين لو حصل فيها خيانة أو عدم احترام فالأحسن إنها تنتهي بسرعة، الود والاحترام و الحنية والاهتمام برأيي أهم من الحب ألف مرة، أنا عن نفسي كنت روقة في نفسي أوي، وزي ما بقف قدام الكاميرا وبمثل مع ناس محترفين ومخرجين عباقرة، أنا بقعد عند طشط المية والملح وبغسل رجلين جوزي بعد ما ييجي من شغله وأبقى مبسوطة أوي بجو آه ونص اللي عملاه وأعمله مساج وأبقى طبخاله لقمة حلوة وقبل ما ينام لازم أقوله إنت راضي عني ويقولي آه الله يرضى عليكي ولو مش راضي أفضل أزغزغه لغاية ما يرضى".

وأضافت: "أصل الراجل مهما كان حابب شخصيتك القوية مع الناس ووسط زمايلك يحب دايما يشوفك ضعيفة قدامه وتابعة ليه على طول يعني برا البيت خليكي عاملة ناظرة وفي البيت تلميذة". 

واستطردت: "شيرين زينا بنت جدعة وطيبة جدا لقيت الراجل الّلي احتواها ودعمها مش راجل بيكسر من مقاديفها وبيقل منها.. راجل جنتل شايف إن نجاح مراته نجاح ليه والعكس صحيح.. أنا مش من البنات اللي تقولك إيه دا وأبوس أيده ليه خير انشالله هو بابايا.... آه باباكي وحتى باباكي مش هايبقالك والبنت المتربية صح أبوها نفسه هايقولها كدا.... أما لو في راجل عملتيله كل ما سبق وحطيتيه على دماغك وخان عشرتك وصبرك وقلة حيلتك وما طمرش فيه عادي جدا الطشط بالماية والملح الّي فيه يتقلب عليه عادي جدا عشان إحنا ولايا والّلي ييجي على ولية عمره ما يكسب صدقيني، بوسي إيديه صبح وليل ولو هو ابن أصل هايشيلك بعنيه ولو واطي محكمة الأسرة كبيرة وبتساع ملايين". 

View this post on Instagram

للناس القريبة مني والعارفيني اكيد عارفين اني مش بحور و كل حد دخل بيتي وكل من اكلي في يوم من الأيام اكيد هايشهد اني مش بحور خالص .... ومش معناه اني بنصح البنات تبقى قوية يعني اني بنت مفترية خالص بس انا اتلسعت من الشوربة فبقيت انفخ في الزبادي تعقيبا على الصورة دي ... و عشان انا عندي كمية تصالح مع النفس اكتر مما تتوقعوا و مش بندم على اي حاجة عملتها ابدا عشان انا اتربيت على كدا واتربيت ان راجل البيت يعني الحنية و الاحتواء انا شايفة ان شيرين ست الستات و بنت ناس ومحترمة جدا ... الراجل الحنين ابن الأصول رجليه تتباس مش بس ايده و قدام الناس كلها .... العلاقة بين الزوجين لو حصل فيها خيانة او عدم احترام فالأحسن انها تنتهي بسرعه ... الود والاحترام و الحنية والاهتمام برأيي اهم من الحب بألف مرة انا عن نفسي كنت روقة في نفسي اوي و زي ما بوقف قدام الكاميرا و بمثل مع ناس محترفين و مخرجين عباقرة انا بقعد عند طشط الماية والملح و بغسل رجلين جوزي بعد ما ييجي من شغله وابقى مبسوطة اوي بجو اه ونص الي عملاه و اعمله مساج و ابقى طبخاله لقمة حلوة وقبل ما ينام لازم أقوله انت راضي عني ويقولي اه الله يرضا عليكي ولو مش راضي أفضل ازغزغه لغاية ما يرضى اصل الراجل مهما كان حابب شخصيتك القوية مع الناس ووسط زمايلك يحب دايما يشوفك ضعيفة قدامه و تابعة ليه على طول يعني برا البيت خليكي عاملة ناظرة وفي البيت تلميذة الخلاصة ... شيرين زينا بنت جدعه و طيبة جدا لقيت الراجل الّي احتواها و دعمها مش راجل بيكسر من مقاديفها و بيقل منها .. راجل جنتل شايف ان نجاح مراته نجاح ليه و العكس صحيح ... انا مش من البنات الي تقولك ايه دا وابوس أيده ليه خير انشالله هو بابايا .... اه باباكي وحتى باباكي مش هايبقالك والبنت المتربية صح ابوها نفسه هايقولها كدا .... اما لو في راجل عملتيله كل ماسبق و حطيتيه على دماغك وخان عشرتك وصبرك و قلة حيلتك وما طمرش فيه عادي جدا الطشط بالماية والملح الّي فيه يتقلب عليه عادي جدا عشان احنا ولايا و الّي ييجي على ولية عمره ما يكسب صدقيني ????‍ بوسي أيديه صبح و ليل ولو هو ابن اصل هايشيلك بعنيه ولو واطي محكمة الأسرة كبيرة وبتساع ملايين ????

A post shared by Sarah Nakhleh سارة نخلة (@sarah.nakhleh) on Sep 24, 2019 at 8:48am PDT

حبس الفنان أحمد عبد الله بسبب سارة نخلة

وكانت قضت محكمة جنح أكتوبر، مؤخرًا، بحبس الفنان أحمد عبدالله محمود، نجل الفنان الراحل عبدالله محمود، لمدة عامين، لإدانته بخيانة الأمانة، في الدعوى المقامة ضده من زوجته السابقة الفنانة السورية سارة جهاد نخلة.

وكانت ذات المحكمة أصدرت حكما غيابيا بمعاقبة أحمد عبدالله، بالحبس لذات المدة، ثم قام بعمل معارضة على الحكم، وصدر بحقه الحكم المتقدم "حضوريا".

وقال المحامي عاصم قنديل، دفاع سارة نخلة، لـ"الوطن"، إن الحكم الصادر لصالح موكلته حضوريا، وحضور "أحمد عبد الله" الاستئناف أصبح وجوبيا.