رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

هي

"مروة" تطلب الخلع: "طرد بنتي من شقتي علشان ابنه يقعد براحته"

كتب: يسرا البسيوني -

04:21 م | الأحد 18 أغسطس 2019

محكمة الأسرة

وقفت "مروة. س" صاحبة الـ35 عاما أمام محكمة الأسرة بالزنانيري، تروي تفاصيل طلبها الخلع من زوجها بعد زواج استمر 3 سنوات.

وقالت إنها تزوجت للمرة الثانية بعد انفصالها عن زوجها الأول: "اتجوزنا وهو عنده ابن وأنا بنتي معايا واتفقنا إنهم هيعيشوا معانا، وقعدنا في شقتي لحد ما وصل بيه الغباء إنه يطرد بنتي من شقتها عشان بسلامته ابنه يعيش براحته في الشقة".

تتابع مروة حدثها لـ" الوطن" بأنها كانت تعامل ابنه بكل حب وتعتبره مثل ابنتها وتحاول تعويضه عن بعده عن أمه، ولكنه كان يعاملها بحدية دائما ولا يتقبلها، ويفتعل العديد من المشاكل حتي أصبح البيت لا يطاق من كثرة المشاكل المفتعلة: "ابنه كان بيتعمد يهيني أنا وبنتي مع إنه عايش في بيتي وعمري ما حسسته بكدا ولا فرقت بينه وبين بنتي يعلم ربنا من يوم ما اتجوزت وأنا بعتبره ابني اللي مخلفتوش، كنت بستحمله كتير وبعتبره عيل وأعدي وأقول عيل صغير، لكن وصل الأمر أن جوزي يطرد بنتي من شقتي اللي هي تعتبر شقتها عشان ابنه يعرف يعيش في الشقة براحته".

واستكملت: "رجعت من شغلي لقتيه واخد منها الموبايل وطردها قالها روحي عند أبوكي إنتي قاعدة هنا ليه، والبنت قاعدة تعيط على السلم لما صعبت على الجيران خدوها تقعد عندهم على ما أنا رجعت البيت، أما تناقشت معاه قالي بنتك مش متربية وعلت صوتها عليا وكنت بربيها".

قررت "مروة" أن تنفصل عن زوجها، ولكنه رفض أن يطلقها وهددها، فقررت رفع دعوى خلع.