رئيس مجلس الادارة:

د. محمود مسلم

رئيس التحرير:

مصطفى عمار

رئيس مجلس الإدارة:

د. محمود مسلم

رئيس التحرير:

مصطفى عمار

علاقات و مجتمع

الطفل كريم "أحد ضحايا الطلاق" حاول الانتحار بعقاقير جدته: "عايز أرجع بيتي"

كتب: دعاء الجندي -

02:17 ص | الإثنين 15 أبريل 2019

كريم

"كريم" اسم مستعار لطفل عمره 9 سنوات في الصف الرابع الابتدائي حاول الانتحار بتناول أقراص دوائية تعود ملكيتها لجدته صاحبة الـ68 عامًا، بعدما هجره والداه تاركينه في رعاية والدة الأم العجوز، يروي "كريم": "كنت عايز أموت وأروح عند ربنا عشان بابا سابني وسافر وماما مش بتحبني هي كمان راحت مع جوزها وأختي وسابتني لوحدي مع تيتة وطول اليوم بتزعقلي ومش بترضى تخليني ألعب كورة ولا أنزل مع أصحابي في الشارع".

"عايز أروح ألعب مع أختي"، يضيف "كريم" عن والدته الثلاثينية: "لما بتيجي كارمة بلعب معاها وبديها لعبي بس هي صغيرة لسه مبتفهمش بتكسرها ومش بتعرف تلعب بيها.. ماما بتضحك علي كل ما تيجي تقولي المرة الجاية هاخدك معايا على طول بس بتكذب دايما مش بتاخدني معاها عشان عمو محمد جوزها بيزعل مني عشان بعمل دوشة كتير".

انفصلت والدة كريم عن والده بعد نحو 6 أعوام بسبب الخيانة الزوجية، ليقرر والده السفر إلى الخارج والزواج والإنجاب تارك الطفل في رعاية والدته التي تزوجت منذ أكثر من عام وأنجبت طفلة، تاركة الصغير في رعاية والدتها الستينية، على أن تزوره أسبوعيًا للاطمئنان عليهما.

وعن محاولته الانتحار، تروي الجدة لـ"هن": "قعد شوية مختفي عن عيني كنت فاكراه بيعمل الواجب فدخلت أبص عليه لاقيته عرقان جامد وبيترعش ومش عارف يصلب طوله ومش بيتكلم حالته كانت ترعب جريت على جاري دكتور ونقلناه المستشفى عملوله الإسعافات الأولية وغسيل معدة وعرفت إنه سرق أقراص من بتاعتي وأخدها كلها مرة واحدة ولما فاق قولتله كدا يا كريم عايز تموت وتسيبني قالي أنا عايز أرجع أعيش في بيتنا مع ماما وبابا زي زمان أنا مش بحب بيتك وبابا مبقاش ييجي يلعب معايا".